ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន




លោក មណីរ័ត្ន
ភ្នំពេញ ៖ បរិមាណនាំចូលអង្ករពីប្រទេសវៀតណាមមកកាន់កម្ពុជា ត្រូវបានប៉ាន់ប្រមាណជាង១លានតោន ក្នុងឆ្នាំ២០១៥ខណៈការនាំចេញរបស់ប្រទេសកម្ពុជាទៅកាន់ទីផ្សារអន្តរជាតិសរុបត្រឹមតែចំនួន៥៣៨.៣៩៦តោន។ បរិមាណនាំចូលពីប្រទេសជិតខាងនេះបានធ្វើឲ្យអ្នកនាំចេញព្រួយបារម្ភពីការបិទទ្វាររោងម៉ាស៊ីនកិនស្រូវនៅកម្ពុជា។
 
លោកឧកញ៉ា គឹម សាវុធ ប្រធានក្រុមហ៊ុន ខ្មែរ ហ្វូត និងជាអនុប្រធានសហព័ន្ធស្រូវអង្ករកម្ពុជានៅថ្ងៃពុធម្សិលមិញបាន ប៉ានប្រមាណថា អង្ករនាំចូលពីប្រទេសវៀតណាមអាចមានច្រើនជាង១លាន តោន។ ក្នុងសន្នីសិទសារព័ត៌មានក្រោយពីកិច្ចប្រជុំរកដំណោះស្រាយសម្រាប់វិស័យស្រូវអង្ករកម្ពុជា លោក សាវុធ បានបញ្ជាក់ ថា ការនាំចូលត្រូវបានគេបន្លំចំនួនដោយការគេចពន្ធ។ 
 
លោក គឹម សាវុធ មានប្រសាសន៍ថា «ខ្ញុំឃើញហើយដឹកតាមឡានតួរីមកទយគូថនៅមុខ ហាងដេរ បាវច្រកតែម្តង! ចឹង ធ្វើម៉េចយើងកំណត់ចំនួនបាន ព្រោះអ្នក នាំចូលគាត់ប្រកាសថា អង្ករវៀតណាម នាំចូលប៉ុណ្ណឹង តែគាត់រត់ពន្ធ។ ឧទាហរណ៍ ពីជ្រៃធំ ពីចក្រី...មកផ្ទេរដាក់បាវអង្ករខ្មែរដាក់លក់តែម្តង។ ...យើងឃើញហើយ អាឡានជាប់នៅស្ពានអ្នកលឿង គាត់លើកបង្ហាញពន្ធនាំចូលតែ៣១តោនទេ... ចឹង សុំជម្រាបថា  គាត់អាចកុហក់រដ្ឋមន្ត្រី អាចកុហក់នាយករដ្ឋមន្ត្រី ប៉ុន្តែ មិនអាច កុហក់អ្នករកស៊ីអង្ករបានទេ! ឡាននេះមិនមែន៣១តោនទេ តែឡាននេះច្រើន ជាង៦០តោន! ហើយបើអង្គភាពណា ឬក៏ផ្នែកណាដែលមិនសុខចិត្តអញ្ជើញ! អាចយកឡានមក ហើយតម្រាបឡាន! ខ្ញុំអាចជួយសេវាហ្នឹង! យកឡានមក ខ្ញុំ តម្រាបឲ្យមើល! ឡាននេះ គឺច្រើនជាង ៦០តោន! ចឹងយើងកំណត់ចំនួនអត់បាន ទេ! ដូច្នេះក្រៅផ្លូវការ គឺច្រើនជាង១ លាន តោន មិនមែន៧០តោនទេ!...»។ អ្នកនាំ ចេញរូបនេះស្នើដល់រាជរដ្ឋាភិបាលកម្ពុជាកំណត់អ្នកនាំចូលអង្ករ និងផ្តល់ អាជ្ញាបណ្ណដល់អ្នកទាំងនោះឲ្យបាន ត្រឹមត្រូវ។
 
លោក ចាន់ សុខឃាំង សមាជិកក្រុមប្រឹក្សាភិបាលសហព័ន្ធស្រូវអង្ករកម្ពុជា លើកឡើងថា បើនៅតែបន្តនាំចូលបែបនេះ ទៀត នឹងធ្វើឲ្យរោងម៉ាស៊ីនកិនស្រូវរបស់ប្រទេសកម្ពុជាត្រូវបិទទ្វារ។ លោកថ្លែងថា «យើងមិនហាមឃាត់ការ នាំចូលនោះទេ ព្រោះទីផ្សារសេរី ប៉ុន្តែត្រូវមានតម្លាភាព ដោយត្រូវកំណត់បរិមាណ និងរដូវកាលនៃ ការនាំចូល។ យើងឃើញថា រោងម៉ាស៊ីន កិនស្រូវខ្នាតមធ្យម ត្រូវបិទទ្វារប្រហែល៧-៨កន្លែង ហើយរោងម៉ាស៊ីនកិនស្រូវ ខ្នាតតូច ត្រូវបិទទ្វារ ច្រើនជាងនេះទៀត»។ លោកបន្តថា កម្ពុជាត្រូវការទុនចន្លោះពី
៣០ទៅ៤០លានដុល្លារ ដើម្បីជួយដល់ រោងម៉ាស៊ីនកិនស្រូវ។ លោក ចាន់ សុខឃាំង ស្នើឲ្យរាជរដ្ឋាភិបាលផ្តល់នូវកម្ចីជាកញ្ចប់ថវិកាពី២០ទៅ៣០លានដុល្លារដើម្បីឲ្យ ម្ចាស់រោង ម៉ាស៊ីនកិនស្រូវប្រមូលទិញស្រូវពីប្រជាកសិករ កុំឲ្យមានការហូរចេញទៅប្រទេសជិតខាង។ ពិសេសធានានិរន្តរភាព រោងម៉ាស៊ីនកិនស្រូវសម្រាប់កែច្នៃអង្ករនាំចេញទៅទីផ្សារបរទេស។
 
បើតាមលោក សុខ ពុទ្ធីវុធ ប្រធានសហព័ន្ធស្រូវអង្ករកម្ពុជាឲ្យដឹងថា គម្រោងសំណើ កញ្ចប់ថវិកាទៅកាន់រាជរដ្ឋាភិបាលនេះ នឹងធ្វើក្នុងពេលដ៏ឆាប់ដោយក្នុងពេលនេះ ក្រុមជំនាញរបស់លោក កំពុងរៀបចំក្រុម ការងារពិសេស សម្រាប់ដោះស្រាយបញ្ហាប្រឈមជាអាទិភាពក្នុងវិស័យស្រូវអង្ករ។ មួយវិញទៀត ខាងលោកនឹងស្នើទៅរាជរដ្ឋាភិបាល ក្នុងការទប់ស្កាត់ការនាំចូលអង្ករពីប្រទេសវៀតណាមដោយខុសច្បាប់។ លោកមានប្រសាសន៍ថា «សហព័ន្ធស្រូវ អង្ករកម្ពុជាកំពុងប្រឹងប្រែងយ៉ាងខ្លាំងធ្វើការជាមួយសមាជិក និងអ្នកពាក់ព័ន្ធទាំងអស់ ពិសេសក្រសួងស្ថាប័នរាជរដ្ឋាភិបាលក្នុងការស្វែងរកដំណោះស្រាយសម្រាប់វិស័យស្រូវអង្ករ ដែលជាវិស័យមួយដ៏មានសក្តានុពល និងសារៈសំខាន់សម្រាប់សេដ្ឋកិច្ចជាតិ ជាពិសេសសម្រាប់ទ្រទ្រង់ជីវភាពប្រជាកសិករខ្មែរ និងសន្តិសុខស្បៀង»។ លោក សុខ ពុទ្ធីវុធ បញ្ជាក់ថា បច្ចុប្បន្ននៅតាមរោងម៉ាស៊ីនកិនស្រូវកំពុងតែខ្វះបរិមាណស្រូវសម្រាប់កែច្នៃអង្ករ។
 
កាលពីដើមខែមករា ឆ្នាំ២០១៦ ក្រសួងពាណិជ្ជកម្មបានប្រកាសនូវទឹកប្រាក់៤០០លានដុល្លារអាម៉េរិក ដែលស្នើឡើងដោយ ក្រុមហ៊ុនចិនចំនួន៣ ក្នុងការសាងសង់ឃ្លាំងស្រូវគ្រប់គ្រងដោយរដ្ឋដើម្បីបង្កើនសមត្ថភាពស្ដុកទុករបស់កម្ពុជា។ គម្រោង ធ្វើឃ្លាំងស្តុកស្រូវនោះមាននៅខេត្តបាត់ដំបង ពោធិ៍សាត់ និងកំពង់ធំដែលត្រូវអនុវត្តនៅក្នុងអំឡុងឆ្នាំ២០១៦នេះដើម្បីបំពេញ មហិច្ឆតា នាំចេញរបស់កម្ពុជាទៅកាន់ប្រទេសចិន។ គម្រោងទឹកប្រាក់ដែលប្រកាសនៅដើមឆ្នាំនេះធ្វើឡើងស្របនឹងរាជរដ្ឋាភិបាលកម្ពុជាដែលកាលពីឆ្នាំ២០១៥ បានធ្វើសេចក្តីព្រាងអនុស្សរណៈយោគយល់គ្នា(MoU)មួយជាមួយប្រទេសចិនដើម្បីស្នើសុំកម្ចីពីរដ្ឋាភិបាលចិននូវទឹកប្រាក់៣០០លានដុល្លារអាម៉េរិក សម្រាប់ សាងសង់ ឃ្លាំងស្តុកស្រូវចំនួន១០នៅទូទាំងប្រទេស ដែលមានសមត្ថភាពស្ដុកស្រូវបាន១,២លានតោនសម្រាប់កែច្នៃអង្ករនាំចេញទៅកាន់ទីផ្សារបរទេសតាម ផែនការ៕
 

ព័ត៌មានតាមប្រតិទិន្ន


អត្ថបទប្រហាក់ប្រហែល

សម្ដេចតេជោស្នើឱ្យស្ថាប័នពាក់ព័ន្ធបន្តដោះស្រាយបញ្ហាឱ្យបានភ្លាមៗ ទៅនឹងបណ្ដារោងចក្រដែលថៅកែរត់ចោល

សម្ដេចតេជោនាយករដ្ឋមន្ត្រីបញ្ជាក់ថា អាស៊ាន បើអត់ហ៊ុន សែន អត់មានន័យថាអាស៊ាននោះទេ

សម្ដេចតេជោថ្លៃងថា កូនស្រីរបស់សម្ដេចគ្មានជំនាញដើម្បីគ្រប់គ្រង មន្ទីរពេទ្យគន្ធបុប្ផា

ជប៉ុនផ្តល់ជំនួយជាង៧លានដុល្លារ សម្រាប់គាំទ្រការបោះឆ្នោតនៅកម្ពុជា

ឃុំខ្លួនបុរសខ្លួនបុរសពានព្រៃម្នាក់ ដាក់បង្កៃ ខ្សែលួស ដោតនិងអាំងវ័រទ័រប្រើ​អាគុយដើម្បីឆក់​យកសត្វ​ព្រៃ បណ្តាលឲ្យឆក់ស្លាប់អ្នកភូមិម្នាក់ និង របួស២នាក់


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

កាល់ស្យូមត្រូវបានរកឃើញថាជាផ្នែកសំខាន់នៃការលូតលាស់របស់ឆ្អឹង

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍

ទទួលទានទំពាំងបាយជូរផ្តល់នូវគុណប្រយោជន៍ខ្ពស់ដល់សុខភាពបេះដូង


កីឡា

សម្តេចតេជោនាយករដ្ឋមន្ត្រីអញ្ជើញប្រគល់ពានរង្វាន់កីឡាវាយ កូនហ្គោលពានរង្វាន់ «សម្តេចតេជោ ហ៊ុន សែន» លើកទី២

សម្ដេចតេជោអបអរសាទរក្រុមកីឡាកាយវប្បកម្មកម្ពុជាដែលបានទទួល មេដាយពីការប្រកួតជើងឯកពិភពលោកលើកទី៩

កម្ពុជាប្រមូលបានមេដាយចំនួន១៧ពីព្រឹត្តិការណ៍កីឡាអាស៊ីអាគ្នេយ៍

ស៊ន សៀវម៉ី រកបានមេដាយមាស១គ្រឿងទៀត ពីកីឡាស៊ីហ្គេម

ប៉េតង់កម្ពុជាដណ្តើមបានមេដាយមាស១គ្រឿង ពីកីឡាស៊ីហ្គេម


បទអត្ថាធិប្បាយ

ឥទ្ធិពល “សេដ្ឋកិច្ចត្រាំ”ចំពោះចិនបន្ទាប់ពី ត្រាំ ចូលកាន់សេតវិមាន ១ ឆ្នាំ (2)

ឥទ្ធិពល “សេដ្ឋកិច្ចត្រាំ”ចំពោះចិនបន្ទាប់ពី ត្រាំ ចូលកាន់សេតវិមាន ១ ឆ្នាំ (1)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (បញ្ចប់)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)




ចំនួនអ្នកចូលទស្សនា

ថ្ងៃនេះ : 70
សប្ដាហ៍នេះ : 10846
ខែនេះ : 44463
សរុប : 17838096