មឿន សុខហ៊ុច និង ធី តុងហ៊ី ដណ្តើម៣ពិន្ទុពីកីឡាករថៃ




លោក ប្រុស

ភ្នំពេញ ៖ កីឡាករជើងខ្លាំងកម្ពុជា២រូប គឺ មឿន សុខហ៊ុច អ្នកប្រដាល់របស់ក្លិបពុទ្ធសេរីវង្សកីឡា និង ធី តុងហ៊ី អ្នកប្រដាល់ នៃក្លិបសាលវ័ន្តកីឡាត្រូវជួបជាមួយកីឡាករថៃឈ្មោះ ចមភព ស វីរ៉ាវ៉ាន់ និងកីឡាករ នឹងត្រាក់កាន ក.កាមន្តវ៉ាត់ ក្នុងវគ្គសន្សំពិន្ទុដណ្ដើមខ្សែក្រវាត់ក្នុងប្រភេទទម្ងន់៦៥គីឡូក្រាម នៅលើសង្វៀនទូរទស្សន៍ CNC ថ្ងៃសៅរ៍ ទី១៥ ខែតុលា ឆ្នាំ២០១៦នេះ។


កីឡាករ មឿន សុខហ៊ុច ទើបនឹងឈ្នះ ខ្សែក្រវាត់មកពីប្រទេសថៃហើយបានសាងកេរ្តិ៍ឈ្មោះយ៉ាងល្អក្រោយបំបាក់សិស្សច្បង និងកីឡាករបរទេសឲ្យសន្លប់និងចុះចាញ់អស់ជាច្រើននាក់មកនោះ។ កូនសិស្សរបស់ក្លិបពុទ្ធសេរីវង្សកីឡារូបនេះជាអ្នកលេងស្នៀតកែងនិងជង្គង់ ដែលធ្វើឲ្យ គូរប្រកួតរបស់ខ្លួន ពិបាកទប់ទល់ និងជា ស្នៀតសម្រាប់ផ្ដួលគូប្រកួតយ៉ាងអស្ចារ្យទៀតផង។

 

មិនត្រឹមតែប៉ុណ្ណោះស្នៀតជើងទាត់ របស់ មឿន សុខហ៊ុច ល្អហើយខ្លាំងណាស់ ហើយគូប្រកួតណាដែលបណ្តោយអោយគេទាត់តែបីបួនជើងជាប់គ្នានោះច្បាស់ជាមិនអាចតតាំងបានទៀតឡើយ។ ប៉ុន្តែ យ៉ាងណាសុខហ៊ុច ក៏មានចំណុចខ្សោយ ខ្លះដែរ គឺត្រង់គេវាយចេញរាងយឺតបន្តិចប៉ុណ្ណោះ តែគេមានកម្លាំងពលំពេញ៥ទឹកមិនពិបាកឡើយ។ កីឡាករ មឿន សុខហ៊ុច ជាកីឡាករជើងខ្លាំងម្នាក់ដែលឡើងប្រកួតលើកណា ក៏ពិបាករកដៃគូមកផ្តួលគេឲ្យ សន្លប់នៅលើរេញណាស់។ ចាំមើលការ ប្រកួតនេះគេអាចយកឈ្នះលើកីឡាករថៃចមភព ស វីរ៉ាវ៉ាន់ ដើម្បីទទួលបាន៣ពិន្ទុបន្ថែមទៀតឬយ៉ាងណា?។ ដោយឡែកកីឡាករ ធី តុងហ៊ី ដែល ត្រូវជួបកីឡាករ នឹងត្រាក់កាន ក.កាមន្ត វ៉ាត់ ត្រូវបានអ្នកតាមដានកីឡាប្រដាល់លើកឡើងថា កូនសិស្សនៃក្លិបសាលវ័ន្តកីឡារូបនេះច្បាស់ជាយ៉ាប់របស់កីឡាករថៃមិនខាន បើទោះបីជាធី តុងហ៊ី មាន កាយ សម្បទាល្អក្បាច់ប្រដាល់វាយត្រង់ៗ និងមានចិត្ដអំណត់ដោយមិនចេះច្រឡោត ទៅលើដៃគូប្រកួតយ៉ាងណាក៏ដោយ។ ការប្រកួតរបស់កីឡាករ ធី តុងហ៊ី កន្លងមកមិនច្បាស់លាស់ប៉ុន្មានឡើយម្តងខ្លាំង ម្តងខ្សោយ តែគេមានភាពអំណត់ណាស់ បើទោះជាជួបជាមួយជើងខ្លាំងប៉ុណ្ណាក៏ដោយ ក៏មិនងាយចាញ់ដោយសន្លប់ដែរ។ បើទោះបីជាគេពុំមានផ្លែកណ្តាប់ដៃល្អ យ៉ាងណាក៏ដោយ ក៏គេមានស្នៀតទាត់និង ជង្គង់ល្អ ហើយពេលប្រកួត តុងហ៊ី ដឹងតែ ពីសម្រុកចូលទៅរកគូប្រកួត ដើម្បីចាប់ អុកជង្គង់ជានិច្ច។ កីឡាករណាល្មមៗ ដែលមកជួបប្រកួតជាមួយគេសុទ្ធតែវេទនាខ្លួនហើយ ព្រោះធី តុងហ៊ី វ៉ៃបុកខ្លាំងបើគេទប់បាននោះច្បាស់ ជាចាញ់គេវិញមិនខាន។ ចាំមើលកីឡាករ ធី តុងហ៊ី ឬកីឡាករនឹងត្រាក់កាន ក.កាមន្តវ៉ាត់ ជាអ្នកឈ្នះទទួលបាន៣ពិន្ទុ៕

 

ព័ត៌មានតាមប្រតិទិន្ន


អត្ថបទប្រហាក់ប្រហែល

សម្តេចតេជោនាយករដ្ឋមន្ត្រីអញ្ជើញប្រគល់ពានរង្វាន់កីឡាវាយ កូនហ្គោលពានរង្វាន់ «សម្តេចតេជោ ហ៊ុន សែន» លើកទី២

សម្ដេចតេជោអបអរសាទរក្រុមកីឡាកាយវប្បកម្មកម្ពុជាដែលបានទទួល មេដាយពីការប្រកួតជើងឯកពិភពលោកលើកទី៩

កម្ពុជាប្រមូលបានមេដាយចំនួន១៧ពីព្រឹត្តិការណ៍កីឡាអាស៊ីអាគ្នេយ៍

ស៊ន សៀវម៉ី រកបានមេដាយមាស១គ្រឿងទៀត ពីកីឡាស៊ីហ្គេម

ប៉េតង់កម្ពុជាដណ្តើមបានមេដាយមាស១គ្រឿង ពីកីឡាស៊ីហ្គេម


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

កាល់ស្យូមត្រូវបានរកឃើញថាជាផ្នែកសំខាន់នៃការលូតលាស់របស់ឆ្អឹង

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍

ទទួលទានទំពាំងបាយជូរផ្តល់នូវគុណប្រយោជន៍ខ្ពស់ដល់សុខភាពបេះដូង


កីឡា

សម្តេចតេជោនាយករដ្ឋមន្ត្រីអញ្ជើញប្រគល់ពានរង្វាន់កីឡាវាយ កូនហ្គោលពានរង្វាន់ «សម្តេចតេជោ ហ៊ុន សែន» លើកទី២

សម្ដេចតេជោអបអរសាទរក្រុមកីឡាកាយវប្បកម្មកម្ពុជាដែលបានទទួល មេដាយពីការប្រកួតជើងឯកពិភពលោកលើកទី៩

កម្ពុជាប្រមូលបានមេដាយចំនួន១៧ពីព្រឹត្តិការណ៍កីឡាអាស៊ីអាគ្នេយ៍

ស៊ន សៀវម៉ី រកបានមេដាយមាស១គ្រឿងទៀត ពីកីឡាស៊ីហ្គេម

ប៉េតង់កម្ពុជាដណ្តើមបានមេដាយមាស១គ្រឿង ពីកីឡាស៊ីហ្គេម


បទអត្ថាធិប្បាយ

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (បញ្ចប់)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)




ចំនួនអ្នកចូលទស្សនា

ថ្ងៃនេះ : 3257
សប្ដាហ៍នេះ : 5919
ខែនេះ : 39536
សរុប : 17833159