ក្រុមកម្ពុជា យកឈ្នះក្រុមឡាវ២ទល់១វគ្គជម្រុះដំបូង AFF Suzuki Cup 2016




លោក  ប្រុស
ភ្នំពេញ ៖ ក្រុមបាល់ទាត់ម្ចាស់ផ្ទះកម្ពុជា បានយកឈ្នះលើក្រុមជម្រើសជាតិឡាវ២ទល់១ ក្រោមក្រសែភ្នែកអ្នកទស្សនាផ្ទាល់រាប់ម៉ឺននាក់ ក្នុងថ្ងៃបើកឆាកនៃវគ្គជម្រុះពានរង្វាន់ធំប្រចាំតំបន់អាស៊ាន AFF Suzuki Cup 2016 ក្នុងថ្ងៃសៅរ៍ ទី១៥ ខែតុលា លើទីលានពហុកីឡដ្ឋានជាតិក្នុងរាជធានីភ្នំពេញ ។

ការប្រកួតវគ្គទី១ ក្រុមបាល់ទាត់ជម្រើសជាតិកម្ពុជាបាននាំមុខក្រុមជម្រើសជាតិឡាវដោយលទ្ធផល ១-០ នៃយុទ្ធនាការណ៍ជម្រុះពានរង្វាន់ AFFF Suzuki Cup 2016។ ក្រុមទាំងពីរបានព្យាយាមវាយសម្រុកគ្នាទៅវិញទៅមកគួរឲ្យចាប់អារម្មណ៍ ប៉ុន្តែក្រុមកម្ពុជាបាននបង្ហាញទម្រង់លេងយល់ចិត្តគ្នាបានល្អ ខណៈក្រុមឡាវបានបានព្យាយាមការពារ និងវាយបកវិញ។ ទោះយ៉ាងណា កម្ពុជាអាចរកគ្រាប់បាន១គ្រាប់ដោយខ្សែប្រយុទ្ធលេខ៧ ប្រាក់ មុន្នីឧត្តម ដោយការទាត់បាល់ពិន័យ១១ម៉ែត្រនៅនាទី៤៣ នៃវគ្គទី១ បន្ទាប់ពីខ្សែការពារឡាវបង្កកំហុសនៅតំបន់គ្រោះថ្នាក់។

ចំពោះការប្រកួតនៅវគ្គទី២ ឡាវបានព្យាយាមវាយសម្រុកនៅដើមតង់ និងអាចរកគ្រាប់បាល់តាមស្មើ ១-១ ដោយកីឡាករ Soukavath នៅនាទីទី៥៣។ បន្ទាប់ពីក្រុមឡាវតាមស្មើ ក្រុមម្ចាស់ផ្ទះកម្ពុជាបានព្យាយាមវាយសម្រុក និងបង្ហាញទម្រង់លេងយ៉ាងល្អដោយមានសមាជិកចូលថ្មីគឺ ចាន់ វឌ្ឍនាកា និង ឃួន ឡាបូរ៉ាវី។ ការវាយលុក និងទទួលបានឱកាសជាបន្តបន្ទាប់ ទីបំផុតកម្ពុជាបានបំប៉ោងសំណាញ់ទីឡាវជាលើកទីពីរដោយខ្សែបម្រើលេខ១៧ ឈិន ឈឿន នៅចុងវគ្គទី២ដើម្បីនាំមុខសាថ្មី ២-១។ ចប់ការប្រកួត កម្ពុជាទទួលបាន៣ពិន្ទុ ក្រោយយកឈ្នះលើក្រុមខ្លាំងឡាវដោយលទ្ធផល ២-១ក្រោមក្រសែភ្នែកអ្នកទស្សនាផ្ទាល់រាប់ម៉ឺននាក់។

មានចំណាប់អារម្មណ៍ក្រោយការប្រកួត គ្រូបង្វឹកជម្រើសជាតិឡាវគិតថា ក្រុមម្ចាស់ផ្ទះកម្ពុជាអាចនឹងទៅជុំបន្ទាប់ បន្ទាប់ពីបានយកឈ្នះក្រុមរបស់លោកដោយលទ្ធផល ២-១ ក្នុងជើងទី១នៃយុទ្ធនាការណ៍ជម្រុះពានរង្វាន់ AFF Suzuki Cup 2016 នៃជុំដំបូងនេះ។ ពីព្រោះការប្រកួតបន្ទាប់ទៀតក្រុមកម្ពុជា ត្រូវជួបក្រុមទីម័រខាងកើត និងប៊្រុយណេ ដែលមានកម្រិតសមត្ថភាពទាបជាងកម្ពុជានោះ។

ជុំវិញការប្រកួតចាញ់ លោកគ្រូបង្វឹកឡាវបានលើកឡើងថា ការប្រកួតនេះពិតជាល្អរំភើបរីករាយ និងពោរពេញដោយអ្នកគាំទ្រ។ ក្រុមរបស់លោកក្នុង១០នាទីដំបូងនៃវគ្គទី១ និង១០នាទីចុងក្រោយនៃវគ្គទី២បានបាត់បង់ម្ចាស់ការដែលជាហេតុធ្វើឲ្យក្រុមរបស់លោកចាញ់កម្ពុជាដោយគ្រាប់បាលប្រផិតប្រផើយបែបនេះ។

គួរបញ្ជាក់ថា ក្រុមដែលមានចំណាត់ថ្នាក់ល្អជាងគេនឹងឡើងទៅលេងក្នុងវគ្គចែកពូលពានរង្វាន់បាល់ទាត់ AFF Suzuki Cup 2016 ជាមួយក្រុម៧ ផ្សេងទៀតក្នុងតំបន់អាស៊ានដែលកំពុងអង្គុយចាំនៅវគ្គចែកពូល។ ចំពោះចំណាត់ថ្នាក់បណ្ដោះអាសន្នក្រុមកម្ពុជា និងព្រុយណេ នៅកំពូលតារាងបណ្ដោះអាសន្ន ក្រោយមាន៣ពិន្ទុដូចគ្នា ខណៈក្រុមទីម័រខាងកើត និងក្រុមឡាវ នៅបាតតារាងដូចគ្នាមិនទាន់មានពិន្ទុកាន់នៅឡើយ៕


ព័ត៌មានតាមប្រតិទិន្ន


អត្ថបទប្រហាក់ប្រហែល

បែកធ្លាយកូនខ្មែរម្នាក់នៅបន្ទាយមានជ័យក្លាយជាកីឡាករដ៏ល្បីប្រចាំប៉ុស្តិលេខ៧នៅប្រទេសថៃគឺកាកា

អាជ្ញាធររាជធានី សុំឲ្យអាជ្ញាធរគ្រប់ខណ្ឌ ប្រមូលផ្តុំកម្លាំងកីឡាការនៅមូលដ្ឋាន ចងជាក្រុម

កម្ពុជាបើកការប្រកួតកីឡាតេក្វាន់ដូ ITF ជើងឯក អាស៊ីអាគ្នេយ៍ លើកទី១

ក្រុម​គោព្រៃកម្ពុជា​ ជួប​ឡាវ​លើកទី៩នឹងជក់ចិត្តជាងលើកមុនៗមិន​ខាន

មឿន សុខហ៊ុច និង ធី តុងហ៊ី ដណ្តើម៣ពិន្ទុពីកីឡាករថៃ


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍

លោក សៅ សុខា៖ មន្ត្រីអាវុធហត្ថជាង៨០០នាក់នឹងត្រូរចាប់ខ្លួនមុនគេ ប្រសិនបើមិនចុះបញ្ជីប្រើប្រាស់អាវុធ

មន្ទីររៀបចំដែនដីរាជធានីយល់ព្រមលើសំណើសាងសង់អគារភ្លោះកម្ពស់១៣៣ជាន់


កីឡា

បែកធ្លាយកូនខ្មែរម្នាក់នៅបន្ទាយមានជ័យក្លាយជាកីឡាករដ៏ល្បីប្រចាំប៉ុស្តិលេខ៧នៅប្រទេសថៃគឺកាកា

អាជ្ញាធររាជធានី សុំឲ្យអាជ្ញាធរគ្រប់ខណ្ឌ ប្រមូលផ្តុំកម្លាំងកីឡាការនៅមូលដ្ឋាន ចងជាក្រុម

កម្ពុជាបើកការប្រកួតកីឡាតេក្វាន់ដូ ITF ជើងឯក អាស៊ីអាគ្នេយ៍ លើកទី១

ក្រុមកម្ពុជា យកឈ្នះក្រុមឡាវ២ទល់១វគ្គជម្រុះដំបូង AFF Suzuki Cup 2016

ក្រុម​គោព្រៃកម្ពុជា​ ជួប​ឡាវ​លើកទី៩នឹងជក់ចិត្តជាងលើកមុនៗមិន​ខាន


បទអត្ថាធិប្បាយ

បរិយាយ៖ ទំនាក់ទំនងកម្ពុជាចិននៅក្នុងរជ្ជកាលតេជោសែន

អត្ថាធិប្បាយ៖ ចិន-កម្ពុជា កាន់តែផ្សារសាច់ផ្សារឈាមជាមួយគ្នា

ទស្សនៈ៖ ពូទីននិងអែរដូហ្កាន ចាប់ដៃគ្នាឡើងវិញ ធ្វើឱ្យទំនាក់ទំនងរឹងមាំ

ទស្សនៈ៖ ការស្រេកឃ្លានទំនប់វារីអគ្គិសនីនៅទន្លេមេគង្គនឹងធ្វើឱ្យអន្តរាយដល់មច្ឆជាតិនិងកសិកម្ម

ទស្សនៈ៖ អាម៉េរិកស្វែងរកការផ្សះផ្សាទំនាក់ទំនងជាមួយតួកគី បន្ទាប់ពីប្រេះស្រាំក្រោយរដ្ឋប្រហារ




ចំនួនអ្នកចូលទស្សនា

ថ្ងៃនេះ : 7119
សប្ដាហ៍នេះ : 114189
ខែនេះ : 348997
សរុប : 16219742