ចិនព្រមានលោក ដូណាល់ ត្រាំ ដែលមិនអើពើដល់នយោបាយចិនតែមួយ




ក្រុងប៉េកាំង
ការផ្លាស់ប្តូរណាមួយនៅក្នុងនយោបាយដែលលម្អៀងទៅរកការទទួលស្គាល់កោះតៃវ៉ាន់ជាផ្លូវការនោះ នឹងធ្វើឲ្យមានគ្រោះថ្នាក់ធ្ងន់ធ្ងរដល់សន្តិភាព និងស្ថេរភាពដល់ច្រកសមុទ្រតៃវ៉ាន់ និងបំផ្លាញទៅដល់ទំនាក់ទំនងរវាងទីក្រុងប៉េកាំង និងវ៉ាស៊ីនតោន នេះបើយោងតាមអ្នកនាំពាក្យរដ្ឋាភិបាលចិនបាននិយាយកាលពីថ្ងៃពុធ។

នៅក្រោមនយោបាយចិនតែមួយ អាម៉េរិកបានទទួលស្គាល់រដ្ឋាភិបាលក្រុងប៉េកាំង និងថែរក្សាទំនាក់ទំនងក្រៅផ្លូវការជាមួយកោះតៃវ៉ាន់ ដែលបានបំបែកចេញពីចិនដីគោកនៅក្នុងសង្គ្រាមស៊ីវិល ឆ្នាំ១៩៤៩។ លោក អាន ហ្វេងសាន អ្នកនាំពាក្យរដ្ឋាភិបាលចិនបាននិយាយថា ការធ្វើឲ្យបែកបាក់ "គោលការណ៍ចិនតែមួយ" នឹងជះឥទ្ធិពលធ្ងន់ធ្ងរ ដល់សន្តិភាព និងស្ថេរភាពនៃការឆ្លងកាត់ច្រកសមុទ្រតៃវ៉ាន់"។

លោក អាន ហ្វេងសាន បានប្រាប់សន្និសីទកាសែតកាលពីថ្ងៃពុធថា នយោបាយចិនតែមួយគឺជាមូលដ្ឋានគ្រឹះនយោបាយដ៏មានសារៈសំខាន់សម្រាប់ទំនាក់ទំនងរវាងចិន និងអាម៉េរិក"។ លោកបានបន្តថា "ប្រសិនបើមូលដ្ឋានគ្រឹះនោះត្រូវបានរុះរើ ឬបំផ្លាញមិនអាចមានកិច្ចពិភាក្សាអំពីការអភិវឌ្ឍប្រកបដោយសុខភាព និងស្ថេរភាពនៅក្នុងទំនាក់ទំនងចិន-អាម៉េរិកបាននោះឡើយ"។

លោក ដូណាល់ ត្រាំ បានបំបែកចោលទំនាក់ទំនងការទូតដែលមានពីមុន តាមរយៈការនិយាយទូរសព្ទជាមួយប្រធានាធិបតីកោះតៃវ៉ាន់ លោកស្រី សៃ អ៊ីងវេន កាលពីថ្ងៃទី២ ធ្នូ ២០១៦ អំឡុងពេលលោកស្រី អបអរសាទរ លោក ត្រាំ ដែលឈ្នះការបោះឆ្នោត។ បន្ទាប់មកកាលពីសប្តាហ៍កន្លងមក លោក ត្រាំ បាននិយាយថា លោកប្រហែលជាប្រើប្រាស់ការទទួលស្គាល់របស់អាម៉េរិកចំពោះទីក្រុងប៉េកាំងធ្វើជាកម្លាំងគាស់ ដើម្បីទទួលសារៈប្រយោជន៍នៅក្នុងវិស័យពាណិជ្ជកម្ម និងវិស័យដ៏ទៃទៀត។

អាម៉េរិក និងចិន គឺជាប្រទេសធំពីរនៅក្នុងវិស័យសេដ្ឋកិច្ចពិភពលោក ដែលពាណិជ្ជកម្មទ្វេភាគីក្នុងវិស័យសេវាកម្ម និងទំនិញកើនឡើងដល់៦៦០ពាន់លានដុល្លារកាលពីឆ្នាំ២០១៥។ ទោះជាយ៉ាងណាក៏ដោយអាម៉េរិកមិនដែលប្រឆាំងការប្រកាសរបស់ចិន អំពីអធិបតេយ្យភាពលើកោះតៃវ៉ាន់នោះទេ។ ប៉ុន្តែទីក្រុងវ៉ាស៊ីនតោននៅតែជាប្រភពដ៏សំខាន់សម្រាប់កោះតៃវ៉ាន់ ដើម្បីទិញអាវុធដែលគិតចាប់ពីឆ្នាំ២០០៩មក អាម៉េរិកលក់ឲ្យតៃវ៉ាន់មានតម្លៃ១៤ពាន់លានដុល្លារ៕ លោក នរៈ


ព័ត៌មានតាមប្រតិទិន្ន


អត្ថបទប្រហាក់ប្រហែល

ចិនរំលឹកឡើងវិញពីគោលការណ៍មិនប្រើអាវុធនុយក្លេអ៊ែរមុនគេ

ចិននឹងរៀបចំធ្វើកិច្ចប្រជុំកំពូល SCO នាពេលខាងមុខឱ្យបានជោគជ័យ

មេដឹកនាំចិនជូនពរឆ្នាំថ្មីដល់ប្រជាជនទាំងអស់

ចិន និងអាស៊ាននឹងចាប់ផ្តើមធ្វើការពិគ្រោះយោបល់គ្នាពីច្បាប់ទូន្មានក្នុងសមុទ្រចិនខាងត្បូងក្នុងដើមខែមីនា

ចិនស្វាគមន៍ភាពធូរស្រាលរវាងកូរ៉េទាំងពីរ


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

កាល់ស្យូមត្រូវបានរកឃើញថាជាផ្នែកសំខាន់នៃការលូតលាស់របស់ឆ្អឹង

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍

ទទួលទានទំពាំងបាយជូរផ្តល់នូវគុណប្រយោជន៍ខ្ពស់ដល់សុខភាពបេះដូង


កីឡា

សម្តេចតេជោនាយករដ្ឋមន្ត្រីអញ្ជើញប្រគល់ពានរង្វាន់កីឡាវាយ កូនហ្គោលពានរង្វាន់ «សម្តេចតេជោ ហ៊ុន សែន» លើកទី២

សម្ដេចតេជោអបអរសាទរក្រុមកីឡាកាយវប្បកម្មកម្ពុជាដែលបានទទួល មេដាយពីការប្រកួតជើងឯកពិភពលោកលើកទី៩

កម្ពុជាប្រមូលបានមេដាយចំនួន១៧ពីព្រឹត្តិការណ៍កីឡាអាស៊ីអាគ្នេយ៍

ស៊ន សៀវម៉ី រកបានមេដាយមាស១គ្រឿងទៀត ពីកីឡាស៊ីហ្គេម

ប៉េតង់កម្ពុជាដណ្តើមបានមេដាយមាស១គ្រឿង ពីកីឡាស៊ីហ្គេម


បទអត្ថាធិប្បាយ

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (បញ្ចប់)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)




ចំនួនអ្នកចូលទស្សនា

ថ្ងៃនេះ : 3239
សប្ដាហ៍នេះ : 5901
ខែនេះ : 39518
សរុប : 17833141