បេសកជនជប៉ុនប្រចាំកូរ៉េខាងត្បូងត្រូវបានហៅមកវិញដោយសារតែរូបសំណាកស្ត្រីទាសករផ្លូវភេទ




ក្រុងតូក្យូ
ប្រទេសជប៉ុនបានហៅមកវិញនូវឯកអគ្គរដ្ឋទូតរបស់ខ្លួនប្រចាំប្រទេសកូរ៉េខាងត្បូង ជាការឆ្លើយតបទៅនឹងការដាក់តាំងរូបសំណាកស្ត្រីទាសករផ្លូវភេទនៅពីមុខស្ថានកុងស៊ុលជប៉ុនក្នុងទីក្រុងប៊ូសាន។

លោក យ៉ាស៊ូម៉ាសា ណាហ្គាមីនី ជាឯកអគ្គរាជទូតជប៉ុននៅក្នុងទីក្រុងសេអ៊ូលផង និងនៅក្នុងស្ថានកុងស៊ុលទីក្រុងប៊ូសានផងត្រូវបានហៅត្រឡប់ទៅប្រទេសជប៉ុនវិញជាបណ្តោះអាសន្ន នេះបើយោងតាមសម្តីលោក យ៉ូស៊ី ហ៊ីដេស៊ូហ្គា នាយកខុទ្ទការល័យទីស្តីការនាយករដ្ឋមន្ត្រីជប៉ុនបាននិយាយប្រាប់អ្នកកាសែតក្រោយកិច្ចប្រជុំគណៈរដ្ឋមន្ត្រីកាលពីថ្ងៃសុក្រ។

"ស្ត្រីទាសករផ្លូវភេទ" គឺចង់និយាយាសំដៅទៅរកស្ត្រីនៅទ្វីបអាស៊ីដែលបានចាប់បង្ខំឲ្យទៅផ្តល់សេវាផ្លូវភេទនៅក្នុងផ្ទះបនស្រីនៅឯសមរភូមិជួរមុខសម្រាប់ទាហានជប៉ុនអំឡុងសង្គ្រាមលោកលើកទីពីរ។

លោក ស៊ូហ្គា បានហៅការដាក់តាំងរូបសំណាកនោះថាជាប្រការ "គួរឲ្យសោកស្តាយបំផុត" ចាប់តាំងពីកូរ៉េខាងត្បូង និងជប៉ុនបានឈានទៅដល់អ្វីដែលហៅថា កិច្ចព្រមព្រៀងចុងក្រោយ ដើម្បីដោះស្រាយជម្លោះអំពីបញ្ហានេះកាលពីចុងឆ្នាំ២០១៥។

ពួកសកម្មជនកូរ៉េខាងត្បូងបានប្រឆាំងកិច្ចព្រមព្រៀងនោះ។ រូបសំណាកស្ត្រីទាសករផ្លូវភេទមួយបានដាក់តាំងនៅពីមុខស្ថានទូតជប៉ុនក្នុងទីក្រុងសេអ៊ូលកាលពីឆ្នាំ២០១១ នៅគង់វង្សរហូតដល់សព្វថ្ងៃ។ ហើយពួកសកម្មជនក៏បានដាក់តាំងរូបសំណាក់ស្ត្រីទាសករផ្លូវភេទមួយទៀតនៅពីមុខស្ថានកុងស៊ុលជប៉ុនក្នុងទីក្រុងប៊ូសានកាលពីចុងខែធ្នូកន្លងមក។

ក្រសួងការបរទេសកូរ៉េខាងត្បូងបានហៅការសម្រេចចិត្តរបស់ជប៉ុន ហៅឯកអគ្គរាជទូតត្រឡប់ទៅវិញថាជាប្រការគួរឲ្យសោកស្តាយបំផុតដោយបានបន្ថែមថា ប្រទេសទាំងពីរគួរតែបោះជំហានទៅមុខនៅក្នុងទំនាក់ទំនងទ្វេភាគីដោយផ្អែកលើមូលដ្ឋាននៃជំនឿទុកចិត្ត ទោះបីជាមានការលំបាកយ៉ាងណាក៏ដោយ៕ លោក នរៈ

ព័ត៌មានតាមប្រតិទិន្ន


អត្ថបទប្រហាក់ប្រហែល

កងកាំភ្លើងធំមានមូលដ្ឋាននៅអាមេរិកធ្វើសមយុទ្ធបាញ់គ្រាប់ពិតនៅកូរ៉េខាងត្បូង

គូប្រជែងប៉ាឡេស្ទីនព្រមព្រៀងគ្នាបញ្ចប់ជម្លោះសម្រាប់ការផ្សះផ្សាគ្នា

ការចាក់ប្រេងឡើងវិញឱ្យនាវាចម្បាំងអាមេរិករបស់ជប៉ុននៅក្រោមច្បាប់សន្តិសុខថ្មីបង្កឱ្យមានរឿងចម្រូងចម្រាស់

កូរ៉េខាងត្បូង កិច្ចប្រជុំកំពូលត្រីភាគីជាមួយអាមេរិក, ជប៉ុន ក្នុងក្រុងញូវយ៉កស្ថិតក្រោមការពិភាក្សាគ្នា

កូរ៉េខាងត្បូងពិចារណាវិធានការការទូតបង្កើនការកៀបសង្កត់លើកូរ៉េខាងជើង


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

កាល់ស្យូមត្រូវបានរកឃើញថាជាផ្នែកសំខាន់នៃការលូតលាស់របស់ឆ្អឹង

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

ទទួលទានទំពាំងបាយជូរផ្តល់នូវគុណប្រយោជន៍ខ្ពស់ដល់សុខភាពបេះដូង

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍


កីឡា

កម្ពុជាប្រមូលបានមេដាយចំនួន១៧ពីព្រឹត្តិការណ៍កីឡាអាស៊ីអាគ្នេយ៍

ស៊ន សៀវម៉ី រកបានមេដាយមាស១គ្រឿងទៀត ពីកីឡាស៊ីហ្គេម

ប៉េតង់កម្ពុជាដណ្តើមបានមេដាយមាស១គ្រឿង ពីកីឡាស៊ីហ្គេម

កីឡាករកម្ពុជាយកមេដាយចំនួន២២គ្រឿងមកឲ្យប្រទេសជាតិ

បែកធ្លាយកូនខ្មែរម្នាក់នៅបន្ទាយមានជ័យក្លាយជាកីឡាករដ៏ល្បីប្រចាំប៉ុស្តិលេខ៧នៅប្រទេសថៃគឺកាកា


បទអត្ថាធិប្បាយ

បរិយាយ៖ ទំនាក់ទំនងកម្ពុជាចិននៅក្នុងរជ្ជកាលតេជោសែន

អត្ថាធិប្បាយ៖ ចិន-កម្ពុជា កាន់តែផ្សារសាច់ផ្សារឈាមជាមួយគ្នា

ទស្សនៈ៖ ពូទីននិងអែរដូហ្កាន ចាប់ដៃគ្នាឡើងវិញ ធ្វើឱ្យទំនាក់ទំនងរឹងមាំ

ទស្សនៈ៖ ការស្រេកឃ្លានទំនប់វារីអគ្គិសនីនៅទន្លេមេគង្គនឹងធ្វើឱ្យអន្តរាយដល់មច្ឆជាតិនិងកសិកម្ម

ទស្សនៈ៖ អាម៉េរិកស្វែងរកការផ្សះផ្សាទំនាក់ទំនងជាមួយតួកគី បន្ទាប់ពីប្រេះស្រាំក្រោយរដ្ឋប្រហារ




ចំនួនអ្នកចូលទស្សនា

ថ្ងៃនេះ : 580
សប្ដាហ៍នេះ : 7986
ខែនេះ : 35027
សរុប : 17440930