ការនាំចេញជ័រកៅស៊ូរបស់កម្ពុជានៅឆ្នាំ ២០១៦កើនឡើង




"ខ្មែរដេលី"
 ប្រទេសកម្ពុជានាំចេញជ័រកៅស៊ូចំនួន ១៤ម៉ឺន ៥ពាន់ ២០០តោន ទៅកាន់ទីផ្សារក្រៅប្រទេស នៅឆ្នាំ ២០១៦ បានកើនឡើង ១៣,៤០ភាគរយ បើធៀបកាលពីឆ្នាំ ២០១៥។ នេះបើតាមទិន្ន ន័យដែលផ្តល់ដោយអគ្គនាយកដ្ឋានកៅស៊ូកម្ពុជាពីម្សិលមិញ។
ទោះជាយ៉ាងណាតម្លៃកៅស៊ូនាំចេញបានកើនឡើងតែបន្តិចបន្តួចប៉ុណ្ណោះនៅអំឡុងពេល ១២ ខែឆ្នាំ ២០១៦ ពោលគឺប្រហែល ១៧៤លានដុល្លារ ដោយសារស្ថានភាពតម្លៃកៅស៊ូនៅលើទី ផ្សារអន្តរជាតិបានធ្លាក់ចុះយ៉ាងខ្លាំងនៅក្នុងឆ្នាំ ២០១៥ និងដើមឆ្នាំ ២០១៦ ដែលមិនធ្លាប់មានក្នុងរយៈពេល ៨ឆ្នាំចុងក្រោយនេះ។

តម្លៃកៅស៊ូនាំចេញជាមធ្យមថ្លៃ ១២០៣ដុល្លារ ក្នុងមួយតោន បើធៀបនឹងឆ្នាំ ២០១៥ ដែល តម្លៃជាមធ្យម ១៥៣៩ដុល្លារ ក្នុងមួយតោន គឺបានថយចុះ ២១,៨៣ភាគរយ។

បញ្ហាសេដ្ឋកិច្ចពិភពលោកសកលប៉ុន្មានឆ្នាំកន្លងទៅបានធ្វើអោយឧស្សាហកម្មរថយន្តដែលប្រើប្រាស់ប្រហែល ៧០ភាគរយ នៃផលិតកម្មកៅស៊ូសរុបនោះបានថមថយ។

លោក ប៉ុល សុផា ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានកៅស៊ូ កម្ពុជា បានមានប្រសាសន៍ថា ការនាំចេញជ័រកៅស៊ូរបស់កម្ពុជា កើនឡើងជាលំដាប់ពីមួយឆ្នាំ ទៅមួយឆ្នាំ ខណៈដែលដំណាំកៅស៊ូអោយផលកើនឡើងជាបន្តបន្ទាប់ ក្នុងរង្វង់ពី ៣ម៉ឺន ទៅ ៥ម៉ឺនតោនបន្ថែមទៀតក្នុងមួយឆ្នាំៗ។

លោកបញ្ជាក់ថា កំណើនផលិផលផលជ័រកៅស៊ូបច្ចុប្បន្ន កំពុងផ្តល់លទ្ធភាពកាន់តែច្រើន ឡើងដល់ការផ្គត់ផ្គង់ជ័រកៅស៊ូសម្រាប់បម្រើក្នុងឧស្សាហកម្មកែច្នៃ ប្រសិនបើមានក្រុមហ៊ុន ចង់វិនិយោគរោងចក្រកែច្នៃផលិតជាសំបកយានយន្តនៅកម្ពុជា។

តម្លៃកៅស៊ូលក់ចេញរបស់កសិករនៅសប្តាហ៍នេះបានងើបឡើងសង្សឹមៗរហូតដល់ ១៥០០ដុល្លារ ក្នុងមួយ តោន។

ជុំវិញការងើបឡើងនៃតម្លៃកៅស៊ូ លោក ប៉ុល សុផា បានលើកឡើងទៀតថា តម្លៃកៅស៊ូ លក់ចេញសព្វថ្ងៃនេះ កសិករ ក៏ដូចជាពាណិជ្ជករអាចទទួលយកបាន បើធៀបកាលពីអំឡុង ដើមឆ្នាំមុន ដែលតម្លៃកៅស៊ូធ្លាក់ចុះយ៉ាងគំហុក។

លោកមានសុទិដ្ឋិនិយមថា តម្លៃកៅស៊ូឆ្នាំនេះអាចកើនឡើងសន្សឹមៗជាបន្តទៀត ខណៈ មានក្តីរំពឹងថា សេដ្ឋកិច្ចពិភពលោកងើបឡើងវិញ ហើយបណ្តាប្រទេសផលិតកៅស៊ូធំៗលើ ពិភពលោកនឹងបន្ថយការផ្គត់ផ្គង់របស់ខ្លួន។

កម្ពុជា បាននាំចេញកៅស៊ូទៅកាន់ប្រទេសវៀតណាម ថៃ ម៉ាឡេស៊ី ចិន និងប្រទេសមួយចំនួន នៅសហគមន៍អឺរ៉ុប។

គិតត្រឹមដំណាច់ឆ្នាំ ២០១៦កន្លងទៅនេះ ការដាំដុះកៅស៊ូនៅកម្ពុជា សម្រេចបានប្រមាណ ៤៣ម៉ឺនហិកតា ដែលក្នុងនោះកៅស៊ូអោយផលប្រមាណជាង ១២ម៉ឺនហិកតា។ តាមការប៉ាន់ ប្រមាណផ្ទៃដីដាំកៅស៊ូនៅកម្ពុជា អាចដាំបានយ៉ាងតិចជាង ៥០ម៉ឺនហិកតាប៉ុណ្ណោះ ព្រោះដី ដែលមានសក្តានុពលដាំកៅស៊ូ គឺមានកម្រិត៕

ព័ត៌មានតាមប្រតិទិន្ន


អត្ថបទប្រហាក់ប្រហែល

ទុនវិនិយោគកូរ៉េខាងត្បូងមកកាន់កម្ពុជាកើនដល់ជាង ៤៥០០លានដុល្លារអាម៉េរិក

កសិករចំនួន១២ខេត្តទទួលគម្រោងលើកកម្ពស់ទីផ្សារកសិកម្មខ្នាតតូច

សម្ដេចតេជោ ហ៊ុន សែនដាក់បទបញ្ជាឱ្យបញ្ឈប់ការប្រើប្រាស់រថយន្ត កែច្នៃខុសបច្ចេកទេសតទ្រុងនិងដឹកលើសទម្ងន់

សម្ដេតេជោថ្លែងថាតម្រូវការស៊ីម៉ង់ត៍របស់ប្រជាពលរដ្ឋមាន ការកើនឡើងជាលំដាប់

សម្ដេចតេជោប្រាប់កម្មករកម្មការិនីត្រូវធានាធ្វើយ៉ាងណាឱ្យរោងចក្រ ក្លាយជាសហគមន៍មួយដែលមានសុវត្ថិភាព


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

កាល់ស្យូមត្រូវបានរកឃើញថាជាផ្នែកសំខាន់នៃការលូតលាស់របស់ឆ្អឹង

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍

ទទួលទានទំពាំងបាយជូរផ្តល់នូវគុណប្រយោជន៍ខ្ពស់ដល់សុខភាពបេះដូង


កីឡា

សម្តេចតេជោនាយករដ្ឋមន្ត្រីអញ្ជើញប្រគល់ពានរង្វាន់កីឡាវាយ កូនហ្គោលពានរង្វាន់ «សម្តេចតេជោ ហ៊ុន សែន» លើកទី២

សម្ដេចតេជោអបអរសាទរក្រុមកីឡាកាយវប្បកម្មកម្ពុជាដែលបានទទួល មេដាយពីការប្រកួតជើងឯកពិភពលោកលើកទី៩

កម្ពុជាប្រមូលបានមេដាយចំនួន១៧ពីព្រឹត្តិការណ៍កីឡាអាស៊ីអាគ្នេយ៍

ស៊ន សៀវម៉ី រកបានមេដាយមាស១គ្រឿងទៀត ពីកីឡាស៊ីហ្គេម

ប៉េតង់កម្ពុជាដណ្តើមបានមេដាយមាស១គ្រឿង ពីកីឡាស៊ីហ្គេម


បទអត្ថាធិប្បាយ

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (បញ្ចប់)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)




ចំនួនអ្នកចូលទស្សនា

ថ្ងៃនេះ : 1879
សប្ដាហ៍នេះ : 4541
ខែនេះ : 38158
សរុប : 17831780