វិទ្យាស្ថានពុទ្ធសាសនបណ្ឌិត្យ នឹងក្លាយជាទីស្តីការក្រសួងធម្មការ និងសាសនា




"ខ្មែរដេលី"
វិទ្យាស្ថានពុទ្ធសាសនបណ្ឌិត្យ ដែលមានទីតាំងខាងជើងវិមានរដ្ឋសភាជាតិ នឹងត្រូវអភិវឌ្ឍន៍ទៅជាទីស្តីការក្រសួងធម្មការ និងសាសនា ក្នុងគោលបំណងជម្រះមន្ទិលសង្ស័យថា ទីតាំងមួយនេះ ត្រូវលក់ទៅឲ្យម្ចាស់សណ្ឋាគារ និងកាស៊ីណូណាហ្កាលវើល ដែលនៅជាប់របងនឹងគ្នា។

វិទ្យាស្ថានពុទ្ធសាសនបណ្ឌិត្យ ដែលធ្លាប់រងការរិះគន់ពីមហាជនពីការលក់ឲ្យម្ចាស់សណ្ឋាគារ និងកាស៊ីណូណាហ្កាលវើល ដោយកម្ទេចរបង និងយកទីធ្លាដាក់កន្លែងចតយានយន្តនោះ ត្រូវបានក្រសួងជំនាញរបស់រាជរដ្ឋាភិបាលបញ្ជាក់ថា នៅតែរក្សាដដែល។ មិនមានគម្រោងណាមួយ ផ្លាស់ប្តូរទីតាំងអគារនោះឡើយ ផ្ទុយទៅវិញ នឹងសាងសង់អគារថ្មីនៃទីស្តីការក្រសួងធម្មការ និងសាសនា ដែលមានកម្ពស់៦ទៅ៧ជាន់។

លោក ហ៊ឹម ឆែម រដ្ឋមន្ត្រីក្រសួងធម្មការ និងសាសនា បានឲ្យដឹងថា ទីស្តីការក្រសួងធម្មការ និងសាសនា នឹងចាប់សាងសង់នៅលើដីវិទ្យាស្ថានពុទ្ធសាសនបណ្ឌិត្យ ដោយប្រើប្រាស់ថវិការដ្ឋ។  ការឲ្យដឹងនេះធ្វើឡើងក្នុងឱកាសចូលបំភ្លឺគណៈកម្មការជំនាញរដ្ឋសភា កាលពីរសៀលថ្ងៃទី១០ ខែមករា ដែលដឹកនាំដោយលោក  យ៉ែម បុញ្ញឫទ្ធិ ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍(គណៈកម្មការទី៧)នៃរដ្ឋសភា។

គណៈកម្មការជំនាញរដ្ឋសភា បានអញ្ជើញឯ.ឧម រដ្ឋមន្ត្រីក្រសួងធម្មការ និងសាសនា ចូលបំភ្លឺ ជុំវិញបញ្ហា៖ វិទ្យាស្ថានពុទ្ធសាសនបណ្ឌិត្យ ពុទ្ធិកសាកលវិទ្យាល័យ សហលក្ខន្តិកៈមន្ត្រីសង្ឃ និង បញ្ហាដែលជាមន្ទិលសង្ស័យ ព្រមទាំងសំណូមពរផ្សេងៗទៀត។

លោក ហ៊ឹម ឆែម បញ្ជាក់ថា ទីតាំងដែលត្រូវសាងសង់ទីស្តីការក្រសួងធម្មការ និងសាសនា ត្រូវ បានធ្វើពិធីចុះបឋមសីលារួចរាល់ហើយកាលពីចុងឆ្នាំ២០១៦។ លោកបន្តថា ការសាងសង់ នឹងចាប់អនុវត្តនៅពេលខាងមុខនេះ ដោយចែកជា៣ដំណាក់កាល។

អតីតរដ្ឋមន្ត្រីក្រសួងធម្មការ និងសាសនា លោក    មិន ឃិន ព្រមទំាងសហការី កាលពីចុងឆ្នាំ២០១៤ ធ្លាប់បានសន្យាជាមួយគណៈកម្មការជំនាញរដ្ឋសភា នឹងអភិវឌ្ឍន៍វិទ្យាស្ថានពុទ្ធសាសនបណ្ឌិត្យឲ្យមានប្រសើរឡើងវិញ បន្ទាប់ពីកន្លែងត្រូវបានទុកចោល ដោយមិនមានសកម្មភាព។

លោក  យ៉ែម បុញ្ញឫទ្ធិ កត់សម្គាល់ថា ទីតាំងតម្កល់ឯកសារសាសនាព្រះពុទ្ធ និងអក្សរសាស្ត្រមួយនេះ កំពុងវិវឌ្ឍទៅរកភាពប្រសើរឡើងជាបណ្តើរៗ ដោយមិនមានការបាត់បង់ដី។ «យើងសង្កេតឃើញថា កំពុងអនុវត្តមានពេញលេញមែន។ យើងមិនមានការមន្ទិលសង្ស័យអីទៀតទេ ក៏ប៉ុន្តែនៅសល់បញ្ហាសោភណ្ឌភាពនៅក្រៅរបងបន្តិច ព្រោះឃើញមានធុងខៀវពីរនោះ គឺវាហាក់ដូចជាមិនស៊ីគ្នានឹងពុទ្ធសាសនបណ្ឌិត្យប៉ុន្មានទេ ក៏ប៉ុន្តែខាងក្រសួងលោកបានបំភ្លឺថា លោកនឹងទាក់ទងទៅសាលារាជធានីភ្នំពេញ ដើម្បីសុំឲ្យគេកែអម្អរបៀបម៉េចឲ្យឃើញសោភណ្ឌភាពហ្នឹងវាស៊ីគ្នារចនាបថពុទ្ធសាសនបណ្ឌិត្យ»។

បើតាមចម្លើយរបស់លោក ហ៊ឹម ឆែម ទៅកាន់គណៈកម្មការរដ្ឋសភា គឺទីស្តីការថ្មីរបស់ក្រសួងនេះ នឹងត្រូវសាងសង់រួចរាល់នៅក្នុងឆ្នាំ២០១៨ ចំណែកទីស្តីការចាស់ នឹងប្រគល់ទៅឲ្យពុទ្ធិកសាកលវិទ្យាល័យ ព្រះសីហនុរាជ ដើម្បីបង្កើតទៅជាបន្ទប់ថ្នាក់រៀន ឬការិយាល័យផ្សេងៗទៀត ដែលបម្រើប្រោយជន៍ដល់វិស័យពុទ្ធិកសិក្សា។

វិទ្យាស្ថានពុទ្ធសាសនបណ្ឌិត្យ ត្រូវបានកសាងឡើងសម្រាប់រក្សាឯកសារអក្សរសាស្ត្រ គម្ពីសាសនាព្រះពុទ្ធ វប្បធម៌ បោះពុម្ពផ្សព្វផ្សាយ ទុកឲ្យសាធារណជន សិស្ស និស្សិត ព្រះសង្ឃ អ្នកស្រាវជ្រាវ ស្វែងយល់បន្ថែមពីប្រធានបទផ្សេងៗ៕



ព័ត៌មានតាមប្រតិទិន្ន


អត្ថបទប្រហាក់ប្រហែល

ផ្តន្ទាទោស ជនជាប់ចោទ ឈ្មោះ ឈឹម ពិសិដ្ឋ ជំនួយការអគ្គលេខាធិការរងក្រុមប្រឹក្សាអភិវឌ្ឍន៍កម្ពុជា (CDC) ដាក់គុកព្យួរ២ឆ្នាំ និង ពិន័យ ៤លានរៀល ជាប់ ពាក់ព័ន្ធ ការទទួលប្រាក់ពីអ្នកវិនិយោគ ដោយខុសច្បាប់ ជាថ្នូរនឹងការបោះត្រា!!

ក្រសួងសុខាភិបាល អំពាវនាវឲ្យប្រជាពលរដ្ឋប្រុងប្រយ័ត្នជំងឺផ្ដាសាយប្រភេទថ្មី H7N9

រាជរដ្ឋាភិបាលជំរុញឲ្យតាមសាលារៀនបណ្តុះគំនិតកុមារសិក្សាមុខវិជ្ជាវិទ្យាសាស្ត្រ និងបច្ចេកទេស

ក្រុមហ៊ុនរដ្ឋរបស់ចិនផ្តល់សម្ភារៈបរិក្ខារគ្រឿងចក្រតម្លៃ១លានដុល្លារដល់កម្ពុជា

ចាប់ខ្លួនជនសង្ស័យ៣នាក់ ពាក់ព័ន្ធ បាញ់សម្លាប់អ្នករត់តាក់ស៊ី ប្លន់រថយន្តនៅខេត្តកំពង់ឆ្នាំង


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

កាល់ស្យូមត្រូវបានរកឃើញថាជាផ្នែកសំខាន់នៃការលូតលាស់របស់ឆ្អឹង

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

ទទួលទានទំពាំងបាយជូរផ្តល់នូវគុណប្រយោជន៍ខ្ពស់ដល់សុខភាពបេះដូង

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍


កីឡា

បែកធ្លាយកូនខ្មែរម្នាក់នៅបន្ទាយមានជ័យក្លាយជាកីឡាករដ៏ល្បីប្រចាំប៉ុស្តិលេខ៧នៅប្រទេសថៃគឺកាកា

អាជ្ញាធររាជធានី សុំឲ្យអាជ្ញាធរគ្រប់ខណ្ឌ ប្រមូលផ្តុំកម្លាំងកីឡាការនៅមូលដ្ឋាន ចងជាក្រុម

កម្ពុជាបើកការប្រកួតកីឡាតេក្វាន់ដូ ITF ជើងឯក អាស៊ីអាគ្នេយ៍ លើកទី១

ក្រុមកម្ពុជា យកឈ្នះក្រុមឡាវ២ទល់១វគ្គជម្រុះដំបូង AFF Suzuki Cup 2016

ក្រុម​គោព្រៃកម្ពុជា​ ជួប​ឡាវ​លើកទី៩នឹងជក់ចិត្តជាងលើកមុនៗមិន​ខាន


បទអត្ថាធិប្បាយ

បរិយាយ៖ ទំនាក់ទំនងកម្ពុជាចិននៅក្នុងរជ្ជកាលតេជោសែន

អត្ថាធិប្បាយ៖ ចិន-កម្ពុជា កាន់តែផ្សារសាច់ផ្សារឈាមជាមួយគ្នា

ទស្សនៈ៖ ពូទីននិងអែរដូហ្កាន ចាប់ដៃគ្នាឡើងវិញ ធ្វើឱ្យទំនាក់ទំនងរឹងមាំ

ទស្សនៈ៖ ការស្រេកឃ្លានទំនប់វារីអគ្គិសនីនៅទន្លេមេគង្គនឹងធ្វើឱ្យអន្តរាយដល់មច្ឆជាតិនិងកសិកម្ម

ទស្សនៈ៖ អាម៉េរិកស្វែងរកការផ្សះផ្សាទំនាក់ទំនងជាមួយតួកគី បន្ទាប់ពីប្រេះស្រាំក្រោយរដ្ឋប្រហារ




ចំនួនអ្នកចូលទស្សនា

ថ្ងៃនេះ : 441
សប្ដាហ៍នេះ : 1768
ខែនេះ : 86204
សរុប : 17300128