ឈ្មួញនាំចេញដំឡូងមីបារម្ភពីវិធានការទប់ស្កាត់ការរត់ពន្ធដំឡូងមីពីប្រទេសជិតខាងរបស់ថៃ




ក្រុមហ៊ុននាំចេញដំឡូងមីនៅបណ្តាខេត្តភាគខាងលិចប្រទេសជាប់ព្រំដែនថៃកំពុងបារម្ភពីការ ដាក់ចេញវិធានការរឹតបណ្តឹងការនាំចូលផលិតផលដំឡូងពីប្រទេសជិតខាងរបស់ថៃ នឹងបង្ក ផលប៉ះពាល់ដល់ផលិតកម្មដំឡូងមីកម្ពុជា ហើយវានឹងដាក់បន្ទុកកាន់តែខ្លាំងទៅលើតម្លៃដំ ឡូងមីដែលកំពុងដាំក្បាលចុះស្រាប់។

យោងតាមប្រភពព័ត៌មានបរទេសបានរាយការណ៍ថា ក្រសួងពាណិជ្ជកម្មថៃ បានបញ្ជាឲ្យក្រុម ហ៊ុននាំចេញផលិតផលម្សៅមីទាំងអស់ឲ្យបង្កើនការស្តុកទុករបស់ខ្លួន ៥០ភាគរយទុកជាមុន ដើម្បីទប់ស្កាត់ការធ្លាក់ថ្លៃដំឡូងមីនៅអំឡុងរដូវកាលប្រមូលផល។

ក្រសួងពាណិជ្ជកម្មថៃ និងទីភ្នាក់ងាររដ្ឋាភិបាលពាក់ព័ន្ធដទៃទៀត នឹងធ្វើការឃ្លាំមើលពាណិជ្ជ កម្មដំឡូងមី និងម្សៅមីនៅតាមព្រំដែនបន្តទៅទៀត ដើម្បីទប់ស្កាត់ការរត់ពន្ធដំឡូងមីពីប្រ ទេសជិតខាង ព្រោះការកើនឡើងនៃបរិមាណផ្គត់ផ្គង់ នឹងធ្វើឲ្យតម្លៃធ្លាក់ចុះ។

ការធ្វើបែបនេះរបស់រដ្ឋាភិបាលថៃ ធ្វើឡើងក្នុងគោលបំណងជួយគាំទ្រដល់កសិករផលិតដំ ឡូងមីរបស់ខ្លួន នៅក្នុងរដូវប្រមូលផល។

លោក សោម យ៉ិន ប្រធានក្រុមហ៊ុនម៉ាឡៃត្រេឌីង នៅខេត្តបន្ទាយមានជ័យ ដែលនាំចេញដំ ឡូងមីទៅលក់នៅប្រទេសថៃបានថ្លែងថា តម្លៃដំឡូងមីនៅពេលនេះបានធ្លាក់ចុះយ៉ាងខ្លាំង កំពុងបង្កការលំបាកទាំងកសិករ និងពាណិជ្ជករនាំចេញ។

លោកលើកឡើងថា ដំឡូងមីនៅបណ្តាខេត្តជាប់ព្រំដែនថៃស្ទើរតែទាំងអស់ ត្រូវបានពឹងផ្អែក ទីផ្សារប្រទេសថៃ ប្រសិនបើអាជ្ញាធរថៃរឹងបណ្តឹងការនាំចូលដំឡូងមីពីកម្ពុជាទៀត ទាំងកសិក រ និងឈ្មួញនាំចេញ នឹងប្រឈមបញ្ហាកាន់តែធ្ងន់ធ្ងរ។
លោបបញ្ជាក់ថា៖ «តម្លៃនេះវាទាបណាស់ទៅហើយ! តែបើវាបន្តធ្លាក់ថ្លៃថែមទៀត កសិករអាច នឹងប្រឈមបាត់បង់ដីធ្លីក៏ថាបាន ព្រោះថាពួកគាត់សុទ្ធសឹងជំពាក់បំណុលធនាគារ និងមីក្រូ ហិរញ្ញវត្ថុ»។

លោកបន្ថែមថា តម្លៃដំឡូងមីស្ងួតល្អទិញពីកសិករនៅសប្តាហ៍នេះ ថ្លៃពី ៤៥០រៀល ទៅ ៥១០ រៀល ក្នុងមួយគីឡូក្រាម បើធៀបកាលពីអំឡុងមុនចូលឆ្នាំសាកលថ្លៃពី ៥៥០ទៅ ៥៨០រៀល ក្នុងមួយគីឡូក្រាម។

កន្លងទៅអាជ្ញាធរថៃតែងតែរឹតបណ្តឹង និងផ្អាកការនាំចូលពោតពីកម្ពុជា ដោយឡែកកសិផល ដំឡូងមីពុំសូវរឹតបណ្តឹងខ្លាំងនោះទេ។ នេះបើតាមឈ្មួញដំឡូងមីដដែលរូបនេះ។

លោកស្រី សឹង សុផារី អ្នកនាំពាក្យក្រសួងពាណិជ្ជកម្មបានថ្លែងថា វាមិនមែនរឿងថ្មីនោះទេ ចំពោះករណីដែលអាជ្ញាធរថៃរឹតបណ្តឹងការនាំចូលកសិផលពីកម្ពុជា ពិសេសដំឡូងមី និង ពោត នៅពេលរដូវប្រមូលផលចាប់ផ្តើមសម្រុកខ្លាំង។
លោកស្រីបញ្ជាក់ថា ប្រសិនបើរដ្ឋាភិបាលថៃមានបំណងធ្វើការរឹតបណ្តឹងការនាំចូលកសិផល ពីកម្ពុជា វាបង្ហាញពីការមិនគោរពច្បាប់ពាណិជ្ជកម្មសេរី ប៉ុន្តែគេធ្វើដើម្បីបុព្វហេតុលើកកម្ពស់ ជីវភាពប្រជាកសិកររបស់គេ ដែលយើងលំបាកក្នុងការតវ៉ា ព្រោះថាកន្លងមកយើងធ្លាប់បាន លើកបញ្ហានេះពិភាក្សាជាមួយភាគីថៃច្រើនដងរួចមកហើយ។

លោកថ្លែងទៀតថា រដ្ឋាភិបាលក៏មិននៅស្ងៀមដែរ ដោយសព្វថ្ងៃកំពុងខិតខំស្វែងរកទីផ្សារ ផ្សេងៗ ដើម្បីចៀសវាងពឹងផ្អែកខ្លាំងទីផ្សារប្រទេសជិតខាងថៃ និងវៀតណាម ដែលក្នុងនោះ កំពុងជំរុញការនាំចេញទៅកាន់ប្រទេសចិន ដែលជាទីផ្សារមានតម្រូវការផលិតផលកសិផល ច្រើនលើពិភពលោក។

បច្ចុប្បន្នផលិតផលដំឡូងមី ភាគច្រើនត្រូវបាននាំចេញទៅលក់នៅប្រទេសថៃ វៀតណាម និង មួយចំនួននាំចេញទៅប្រទេសចិន។

ប្រទេសកម្ពុជាមានផ្ទៃដីដាំដំឡូងមីប្រមាណ ៣០ម៉ឺនហិកតា នឹងផ្តល់ទិន្នផលពី ៧ទៅ ៨លាន តោនក្នុងមួយឆ្នាំៗ៕  ភិរុណ

ព័ត៌មានតាមប្រតិទិន្ន


អត្ថបទប្រហាក់ប្រហែល

ទុនវិនិយោគកូរ៉េខាងត្បូងមកកាន់កម្ពុជាកើនដល់ជាង ៤៥០០លានដុល្លារអាម៉េរិក

កសិករចំនួន១២ខេត្តទទួលគម្រោងលើកកម្ពស់ទីផ្សារកសិកម្មខ្នាតតូច

សម្ដេចតេជោ ហ៊ុន សែនដាក់បទបញ្ជាឱ្យបញ្ឈប់ការប្រើប្រាស់រថយន្ត កែច្នៃខុសបច្ចេកទេសតទ្រុងនិងដឹកលើសទម្ងន់

សម្ដេតេជោថ្លែងថាតម្រូវការស៊ីម៉ង់ត៍របស់ប្រជាពលរដ្ឋមាន ការកើនឡើងជាលំដាប់

សម្ដេចតេជោប្រាប់កម្មករកម្មការិនីត្រូវធានាធ្វើយ៉ាងណាឱ្យរោងចក្រ ក្លាយជាសហគមន៍មួយដែលមានសុវត្ថិភាព


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

កាល់ស្យូមត្រូវបានរកឃើញថាជាផ្នែកសំខាន់នៃការលូតលាស់របស់ឆ្អឹង

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍

ទទួលទានទំពាំងបាយជូរផ្តល់នូវគុណប្រយោជន៍ខ្ពស់ដល់សុខភាពបេះដូង


កីឡា

សម្តេចតេជោនាយករដ្ឋមន្ត្រីអញ្ជើញប្រគល់ពានរង្វាន់កីឡាវាយ កូនហ្គោលពានរង្វាន់ «សម្តេចតេជោ ហ៊ុន សែន» លើកទី២

សម្ដេចតេជោអបអរសាទរក្រុមកីឡាកាយវប្បកម្មកម្ពុជាដែលបានទទួល មេដាយពីការប្រកួតជើងឯកពិភពលោកលើកទី៩

កម្ពុជាប្រមូលបានមេដាយចំនួន១៧ពីព្រឹត្តិការណ៍កីឡាអាស៊ីអាគ្នេយ៍

ស៊ន សៀវម៉ី រកបានមេដាយមាស១គ្រឿងទៀត ពីកីឡាស៊ីហ្គេម

ប៉េតង់កម្ពុជាដណ្តើមបានមេដាយមាស១គ្រឿង ពីកីឡាស៊ីហ្គេម


បទអត្ថាធិប្បាយ

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (បញ្ចប់)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)




ចំនួនអ្នកចូលទស្សនា

ថ្ងៃនេះ : 1951
សប្ដាហ៍នេះ : 4613
ខែនេះ : 38230
សរុប : 17831852