សម្តេចតេជោ ហ៊ុន សែន នឹងទៅចូលរួមវេទិកាសេដ្ឋកិច្ចពិភពលោកនៅស្វីសនាថ្ងៃទី១៥ មករា




ភ្នំពេញៈ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងដឹកនាំគណៈប្រតិភូជាន់ខ្ពស់អញ្ជើញទៅចូលរួមវេទិកាសេដ្ឋកិច្ចពិភពលោកនៅទីក្រុងដាវ៉ូស-ក្លូស្ទ័រ (Darosklosters)ប្រទេសស្វីស (Switzerland)នៅថ្ងៃទី១៥ ខែមករា ឆ្នាំ២០១៧ ខាងមុខ ។

តបការអញ្ជើញរបស់នាយកប្រតិបត្តិនៃវេទិកាសេដ្ឋកិច្ចពិភពលោកក្លោសស្វាប់(KlausSchwab)ប្រមុខរាជរដ្ឋាភិបាលកម្ពុជានឹងអញ្ជើញដឹកនាំគណៈប្រតិភូជាន់ខ្ពស់រាជរដ្ឋាភិបាលកម្ពុជាអញ្ជើញចូលរួមវេទិកាសេដ្ឋកិច្ចពិភពលោកនៅទីក្រុងដាវ៉ូស-ក្លូស្ទ័រ ប្រទេសស្វីស ។

វេទិកាសេដ្ឋកិច្ចពិភពលោក នៅទីក្រុងដាវ៉ូស-ក្លូស្ទ័រប្រទេសស្វីស នឹងមានការអញ្ជើញចូលរួមពីមេដឹកនាំពិភពលោក ៤០ប្រទេសបណ្តាសង្គមស៊ីវិល និងធុរជនសំខាន់ៗសរុបជាង ២.៥០០ នាក់ដោយបានចែករំលែកការយល់ដឹងគំនិតផ្តួចផ្តើមនិងសកម្មភាពចាំបាច់មួយចំនួនដើម្បីឆ្លើយតបទៅនឹងបញ្ហាប្រឈម ដែលកំពុងកើតឡើងនាពេលបច្ចុប្បន្ន។

ការចូលរួមរបស់សម្តេចតេជោ ហ៊ុនសែននៅក្នុងវេទិកាសេដ្ឋកិច្ចពិភពលោកនេះគឺជាការបន្តពង្រឹងនូវនយោបាយការទូតរបស់កម្ពុជានៅក្នុងឆាកអន្តរជាតិនិងជំរុញធ្វើឲ្យកម្ពុជាមានទំនាក់ទំនងកាន់តែធំទូលាយជាមួយអន្តរជាតិ និង ពិភពលោក  នេះជាយន្តការមួយសំខាន់ណាស់ដែលប្រទេសនៅក្នុងតំបន់និងពិភពលោកតែងឲ្យតម្លៃខ្ពស់ទៅលើវត្តមានរបស់ប្រមុខរាជរដ្ឋាភិបាលនៃប្រទេសនិមួយៗដែលអញ្ជើញចូលរួមនៅក្នុងវេទិកាពិភពលោកដ៏សំខាន់នេះ។
   
វេទិកាសេដ្ឋកិច្ចពិភពលោក « World Economic Forum » បានចាប់កំណើតឡើងក្នុងឆ្នំា ១៩៧១ ហើយអ្នកដែលបានផ្តួចផ្តើមគំនិតឲ្យមាន Forum នេះឡើងគឺលោក Klaus Schwab សាស្ត្រាចារ្យសេដ្ឋកិច្ចនៅសកលវិទ្យាល័យក្រុងហ្សឺណែវប្រទេសស្វ៊ីស។ តាំងពីពេលនោះមកវេទិកាសេដ្ឋកិច្ចពិភពលោកបានរៀបចំកិច្ចប្រជុំជារៀងរាល់ឆ្នំានៅក្នុងទីក្រុងដាវ៉ូសប្រទេសស្វីស។

ជាទូទៅមានប្រធានបទច្រើននិងចម្រុះដែលវេទិកាសេដ្ឋកិច្ចពិភពលោកលើកទៅជជែក។ ក្រៅពីប្រធានបទទាក់ទងនឹងសេដ្ឋកិច្ច និងពាណិជ្ជកម្មនៅក្នុងពិភពលោក កមានប្រធានបទទាក់ទងនឹងផ្នែកផ្សេងៗទៀតរួមមាន បញ្ហាអាកាសធាតុក្នុងភពផែនដី ការប្រយុទ្ធប្រឆាំងនឹងភាពក្រីក្រ ការប្រយុទ្ធប្រឆាំងនឹងជំងឺឆ្លងរាត្បាត បញ្ហាមនុស្សធម៌ ឬមួយក៏ជម្លោះប្រដាប់អាវុធ។ ជារួមវេទិកាសេដ្ឋកិច្ចពិភពលោកគឺជាកន្លែងដែលអ្នកចូលរួមត្រូវលើកយកទៅជជែកនូវបញ្ហាសំខាន់ៗនិងបន្ទាន់ដែលកំពុងកើតមាននៅក្នុងពិភពលោកសព្វថ្ងៃ។

ក្រៅពីជាវេទិកាសាធារណៈ « World Economic Forum » ក៏ជាវេទិកានៃជំនួបក្រៅផ្លូវការជាលក្ខណៈពហុភាគីរវាងប្រមុខរដ្ឋឬប្រមុខរដ្ឋាភិបាលដែលចូលរួមនៅក្នុងវេទិកាសេដ្ឋកិច្ចពិភពលោក។

ក៏ដូចជារៀងរាល់ឆ្នាំ« World Economic Forum »លើកទី៤៦ឆ្នាំនេះមានមនុស្សចូលរួមប្រមាណជា ២.៥០០នាក់មកពីជាង១០០ប្រទេសក្នុងលោក។

តាមការគ្រោងទុកប្រមុខរាជរដ្ឋាភិបាលកម្ពុជានិងអញ្ជើញចាកចេញពីកម្ពុជានៅថ្ងៃទី១៥ ខែ មករា ឆ្នាំ ២០១៧ និង អញ្ជើញវិលត្រឡប់វិញនៅថ្ងៃទី ២២ ខែ មករា ឆ្នាំ ២០១៧ ៕

ព័ត៌មានតាមប្រតិទិន្ន


អត្ថបទប្រហាក់ប្រហែល

សម្ដេចតេជោ នឹងស្នើឱ្យប្រទេសចិនពង្រីកទីផ្សារនាំចូល ផលិតផលកម្ពុជាឱ្យកាន់តែធំបន្ថែមទៀត

ធនាគាររបស់ម៉ាឡេស៊ី ប្រតិបត្តិការសាខាទី១៣នៅភ្នំពេញ

ក្រុមហ៊ុនចិន បោះទុនវិនិយោគសណ្ឋាគារលំដាប់អន្តរជាតិនៅភ្នំពេញ

ត្រឹមរយៈពេល៨ខែ តំបន់អង្គរប្រមូលចំណូលបានជាង៦៩ដុល្លារ

ធនាគារជាតិនៃកម្ពុជាលើកទឹកចិត្តឲ្យសាធារណជនស្រលាញ់ប្រាក់រៀល


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

កាល់ស្យូមត្រូវបានរកឃើញថាជាផ្នែកសំខាន់នៃការលូតលាស់របស់ឆ្អឹង

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

ទទួលទានទំពាំងបាយជូរផ្តល់នូវគុណប្រយោជន៍ខ្ពស់ដល់សុខភាពបេះដូង

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍


កីឡា

កម្ពុជាប្រមូលបានមេដាយចំនួន១៧ពីព្រឹត្តិការណ៍កីឡាអាស៊ីអាគ្នេយ៍

ស៊ន សៀវម៉ី រកបានមេដាយមាស១គ្រឿងទៀត ពីកីឡាស៊ីហ្គេម

ប៉េតង់កម្ពុជាដណ្តើមបានមេដាយមាស១គ្រឿង ពីកីឡាស៊ីហ្គេម

កីឡាករកម្ពុជាយកមេដាយចំនួន២២គ្រឿងមកឲ្យប្រទេសជាតិ

បែកធ្លាយកូនខ្មែរម្នាក់នៅបន្ទាយមានជ័យក្លាយជាកីឡាករដ៏ល្បីប្រចាំប៉ុស្តិលេខ៧នៅប្រទេសថៃគឺកាកា


បទអត្ថាធិប្បាយ

បរិយាយ៖ ទំនាក់ទំនងកម្ពុជាចិននៅក្នុងរជ្ជកាលតេជោសែន

អត្ថាធិប្បាយ៖ ចិន-កម្ពុជា កាន់តែផ្សារសាច់ផ្សារឈាមជាមួយគ្នា

ទស្សនៈ៖ ពូទីននិងអែរដូហ្កាន ចាប់ដៃគ្នាឡើងវិញ ធ្វើឱ្យទំនាក់ទំនងរឹងមាំ

ទស្សនៈ៖ ការស្រេកឃ្លានទំនប់វារីអគ្គិសនីនៅទន្លេមេគង្គនឹងធ្វើឱ្យអន្តរាយដល់មច្ឆជាតិនិងកសិកម្ម

ទស្សនៈ៖ អាម៉េរិកស្វែងរកការផ្សះផ្សាទំនាក់ទំនងជាមួយតួកគី បន្ទាប់ពីប្រេះស្រាំក្រោយរដ្ឋប្រហារ




ចំនួនអ្នកចូលទស្សនា

ថ្ងៃនេះ : 567
សប្ដាហ៍នេះ : 7973
ខែនេះ : 35014
សរុប : 17440917