កម្ពុជាសល់ម្រេចកំពតប្រមាណ១០០តោន សម្រាប់នាំចេញទៅកាន់ទីផ្សារអន្តរជាតិ




“ខ្មែរដេលី”
ការចម្រាញ់យកគ្រាប់ម្រេចសុទ្ធល្អ សម្រាប់នាំចេញទៅកាន់ទីផ្សារអន្តរជាតិនៅឆ្នាំ២០១៧នេះ បានក្នុងបរិមាណជាង៨០តោន ខណៈនៅសល់ក្នុងស្តុកចាស់ជាង២០តោនទៀត។
លោក ងួន ឡាយ ប្រធានសមាគមលើកកម្ពស់ម្រេចខេត្តកំពត និងកែប នៅថ្ងៃទី១៤ ខែវិច្ឆិកានេះ បានឲ្យដឹងថា ទិន្នផលដំណាំម្រេចកំពតនៅក្នុងឆ្នាំនេះ បានកើនដល់ជាង១០០តោន បន្ទាប់ពីផ្ទៃដីដាំដុះត្រូវបានពង្រីកពីជាង១០០ហិកតា ដល់ជាង២១០ហិកតា។

លោកថ្លែងថា ក្នុងចំណោមទិន្នផលម្រេចជាង១០០តោននេះ ត្រូវបានចម្រាញ់សម្រាប់នាំចេញជាម្រេចសម្គាល់ភូមិសាស្ត្ររបស់ខេត្តកំពតចំនួន៨០តោន ខណៈកាលពីឆ្នាំទៅបន្សុទ្ធបានត្រឹមតែជាង៥០តោនប៉ុណ្ណោះ នៃផលម្រេចដែលប្រមូលបានមុនពេលចម្រាញ់យកគ្រប់សុទ្ធល្អជាង៨០តោន។ លោកបន្តថា ម្រេចកំពតនៅតែទាក់ទាញបានការវិនិយោគ ដោយគិតមកដល់បច្ចុប្បន្ន ការដាំដុះម្រេចនៅខេត្តកំពត និងកែប មានអ្នកផលិតផ្ទាល់ចំនួន៣៨៧គ្រួសារ និងក្រុមហ៊ុនវិនិយោគពីបរទេសចំនួន២១ក្រុមហ៊ុន ដូចជា បារាំង ស៊ុយអែត និងប្រទេសផ្សេងៗទៀត។ លោកបានឲ្យដឹងបន្ថែមថា មានក្រុមហ៊ុនថ្មីៗប្រហែល៤ទៅ៥ក្រុមហ៊ុន កំពុងតែសម្លឹងរកការបញ្ជាទិញបន្ថែម ស្របនឹងការផលិតឆ្នាំនេះលើសពីតម្រូវការ។

យោងតាមទិន្នន័យពីក្រសួងពាណិជ្ជកម្ម បានបង្ហាញថា នាពេលបច្ចុប្បន្ន ម្រេចសមានតម្លៃ២ម៉ឺន៨ពាន់ដុល្លារ ក្នុងមួយតោន ចំណែកម្រេចក្រហម  មានតម្លៃក្នុង១តោន ចំនួន២ម៉ឺន៥ពាន់ដុល្លារ និងម្រេចខ្មៅមានតម្លៃ១ម៉ឺន៥ពាន់ដុល្លារ។ ចំណែកទីផ្សារដ៏ធំសម្រាប់ផលិតផលកសិកម្មមួយនេះ គឺ សហគមន៍អឺរ៉ុប បន្ទាប់មកមានសហរដ្ឋអាម៉េរិក អាស៊ី និងទិសដៅផ្សេងៗទៀត។

មន្ត្រីជាន់ក្រសួងពាណិជ្ជកម្ម បានអះអាងថា ម្រេចកំពតរបស់ប្រទេសកម្ពុជា នៅតែមានទីផ្សារ សម្រាប់នាំចេញ បន្ទាប់ពីត្រូវបានចុះបញ្ជីជាម៉ាកផលិតផលសំគាល់ភូមិសាស្ត្រ ដែលជួយដល់ការលើកកម្ពស់ និងការផ្តល់នូវកិច្ចការពារតាមផ្លូវច្បាប់ពីការក្លែងបន្លំផលិតផល។

កាលពីឆ្នាំ២០១៦កន្លងទៅ ម្រេចកំពត ត្រូវបានសហភាពអឺរ៉ុបទទួលស្គាល់ និងសម្រេចចុះបញ្ជីជាផលិតផលសំគាល់ភូមិសាស្ត្រ សំដៅចូលរួមការពារ និងរក្សាបាននូវកម្មសិទ្ធិបញ្ញាដែលទាក់ទងទៅនឹងវប្បធម៍ប្រពៃណី ភាពសម្បូរបែបនៃភូមិសាស្រ្ត និងវិធីសាស្រ្តផលិតកម្ម ព្រមទាំងរកទីផ្សារសម្រាប់នាំចេញ៕



ព័ត៌មានតាមប្រតិទិន្ន


អត្ថបទប្រហាក់ប្រហែល

CIMBផ្តល់អាហារូបករណ៍សម្រាប់និស្សិតកម្ពុជាសិក្សានៅសាកលវិទ្យាល័យល្បីៗជុំវិញពិភពលោក

គម្រោងវិនិយោគជប៉ុនកើនទឹកប្រាក់ប្រមាណ ១,៦ប៊ីលានដុល្លារអាមេរិក

ជប៉ុននឹងចុះហត្ថលេខាលើជំនួយអភិវឌ្ឍន៍សេដ្ឋកិច្ច និងសង្គមក្នុងទឹកប្រាក់៧លានដុល្លារដល់កម្ពុជានៅថ្ងៃស្អែកនេះ

ធនាគារអភិវឌ្ឍន៍អាស៊ី ប្រកាសជ័យលាភីរូបថតអបអរសាទរ ខួប ២៥ ឆ្នាំ នៃកម្មវិធីមហាអនុតំបន់ទន្លេមេគង្គ (GMS)

ភូមិប្រជាពលរដ្ឋនៅទូទាំងប្រទេសជាង៨១% មានអគ្គិសនីប្រើប្រាស់


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

កាល់ស្យូមត្រូវបានរកឃើញថាជាផ្នែកសំខាន់នៃការលូតលាស់របស់ឆ្អឹង

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍

ទទួលទានទំពាំងបាយជូរផ្តល់នូវគុណប្រយោជន៍ខ្ពស់ដល់សុខភាពបេះដូង


កីឡា

សម្តេចតេជោនាយករដ្ឋមន្ត្រីអញ្ជើញប្រគល់ពានរង្វាន់កីឡាវាយ កូនហ្គោលពានរង្វាន់ «សម្តេចតេជោ ហ៊ុន សែន» លើកទី២

សម្ដេចតេជោអបអរសាទរក្រុមកីឡាកាយវប្បកម្មកម្ពុជាដែលបានទទួល មេដាយពីការប្រកួតជើងឯកពិភពលោកលើកទី៩

កម្ពុជាប្រមូលបានមេដាយចំនួន១៧ពីព្រឹត្តិការណ៍កីឡាអាស៊ីអាគ្នេយ៍

ស៊ន សៀវម៉ី រកបានមេដាយមាស១គ្រឿងទៀត ពីកីឡាស៊ីហ្គេម

ប៉េតង់កម្ពុជាដណ្តើមបានមេដាយមាស១គ្រឿង ពីកីឡាស៊ីហ្គេម


បទអត្ថាធិប្បាយ

ឥទ្ធិពល “សេដ្ឋកិច្ចត្រាំ”ចំពោះចិនបន្ទាប់ពី ត្រាំ ចូលកាន់សេតវិមាន ១ ឆ្នាំ (2)

ឥទ្ធិពល “សេដ្ឋកិច្ចត្រាំ”ចំពោះចិនបន្ទាប់ពី ត្រាំ ចូលកាន់សេតវិមាន ១ ឆ្នាំ (1)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (បញ្ចប់)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)




ចំនួនអ្នកចូលទស្សនា

ថ្ងៃនេះ : 60
សប្ដាហ៍នេះ : 10836
ខែនេះ : 44453
សរុប : 17838086