សម្ដេចតេជោនាយករដ្ឋមន្ត្រីទទួលជួប អគ្គនាយកធនាគារនីហរ័ណ អាហរ័ណ ចិន និងក្រុមហ៊ុន China Communication Contruction




សម្តេចអគ្គមហាសេនាបតីតេជោ ហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជា បានអនុញ្ញាត ឲ្យ លោក លាវ លៀនកឺ (Liu Liange) អគ្គនាយកធនាគារនីហរ័ណ អាហរ័ណ ចិន (Exim Bank of China) និង លោក លាវ ឈីថាវ(Liu Qi Tao) ប្រធានក្រុមប្រឹក្សាភិបាល ក្រុមហ៊ុន China Communication Contruction ចូលជួបសំដែងការគួរសម។

ក្នុងជំនួបដាច់ដោយឡែកពីគ្នា ដែលធ្វើឡើងនៅភូមិគ្រឹះ រសៀលថ្ងៃទី១២មករា លោក លាវ លៀនកឺ (Liu Liange) អគ្គនាយក ធនាគារនីហរ័ណ អាហរ័ណចិន (Exim Bank of China) មានប្រសាសន៍ជំរាបជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា  ពីការកោតសរសើរចំពោះកំណើន សេដ្ឋកិច្ច សង្គម និងការអភិវឌ្ឍរីកចម្រើនយ៉ាងឆាប់រហ័ស របស់ប្រទេសកម្ពុជា ដែលកំពុងតែមានការរីកចម្រើន ពី មួយថ្ងៃទៅមួយថ្ងៃ ក្នុងន័យនេះគឺជាកត្តាជំរុញលើកទឹកចិត្តដល់ ធនាគារនីហរ័ណអាហរ័ណចិន មានចំណាប់អារម្មណ៍យ៉ាងខ្លាំង ក្នុងការចូលរួមបណ្តាក់វិនិយោគ ក្នុងប្រទេសកម្ពុជា។ លោក លាវ លៀនកឺ មានប្រសាសន៍បន្តថា កន្លងមកធនាគារនីហរ័ណអាហរ័ណចិន បានចូលរួមចំណែកក្នុងការអភិវឌ្ឍប្រទេសកម្ពុជា លើវិស័យហេដ្ឋារចនាសម្ព័ន្ធ អគ្គិសនី ប្រព័ន្ធធារាស្រ្តជាដើម ដោយឡែកនៅពេលនេះ វត្តមានធនាគារលោក ក្នុងប្រទេសកម្ពុជា គឺដើម្បីសុំអនុសាសន៍ពីសម្តេចតេជោ នៅអ្វីដែលធនាគាររបស់លោក អាចចូលរួមចំណែកដល់ការអភិវឌ្ឍ ប្រទេសកម្ពុជា បន្ថែមទៀត។

សម្តេចតេជោនាយករដ្ឋមន្រ្តីមានប្រសាសន៍ថា ទំនាក់ទំនងរវាងកម្ពុជា និងចិន គឺមានភាពល្អបំផុតនៅពេលនេះ ហើយកម្ពុជាមានទស្សនៈវិស័យពិតប្រាកដក្នុងការអភិវឌ្ឍ អ្វីដែលធនាគារនីហរ័ណអាហរ័ណចិន បានជួយនាពេលកន្លងមក គឺសុទ្ធសឹងតែជាគម្រោងអាទិភាពទាំងអស់របស់កម្ពុជា ក្នុងន័យនេះសម្តេច បានគូសបញ្ជាក់ដែរថា កម្ពុជាបានដាក់គម្រោងទៅកាន់ភាគីចិន សម្រាប់ឆ្នាំ២០១៨រួចហើយ ក្នុងនោះគម្រោងអាទិភាពមួយទៀត គឺគម្រោងខ្សែក្រវ៉ាត់ទី២ របស់រាជធានីភ្នំពេញ។ តាមរយៈគម្រោងអាទិភាពនេះ សម្តេចបានស្នើសុំឲ្យធនាគារនីហរ័ណ អាហរ័ណចិន ពិនិត្យក្នុងជំរុញគម្រោងជាអាទិភាពនេះឲ្យបានចេញជារូបរាងពិតប្រាកដ។

ដោយឡែក លោក លាវ ឈីថាវ (Liu Qi Tao) ប្រធានក្រុមប្រឹក្សាភិបាល ក្រុមហ៊ុន China Communication Contruction មានប្រសាសន៍ក្នុងជំនួបដាច់ដោយឡែកពីគ្នានោះដែរថា រូបលោកធ្លាប់បានមកកាន់ប្រទេសកម្ពុជាកាលពី១០ឆ្នាំមុន ហើយនៅពេលនេះរូបលោកបានទៅដំណើរទៅកាន់តំបន់ជាច្រើន ក្នុងប្រទេសកម្ពុជារួមទាំងខេត្តព្រះសីហនុផងដែរ។ លោកប្រធានមានប្រសាសន៍ជំរាបជូនសម្តេចតេជោដែរថា រូបលោកបានពិនិត្យឃើញពីការរីកចម្រើនដែលមិននឹកស្មានបាន ហើយនៅពលេនេះទៀតសោត កិច្ចព្រមព្រៀងសាងសង់ផ្លូវល្បឿនលឿនភ្នំពេញ ខេត្តព្រះសីហនុ ក៏បានចុះហត្ថលេខាហើយរួចដែរ ក្នុងដំណើរទស្សនកិច្ចរបស់ឯកឧត្តម លី ខឺឈាង មកកាន់ប្រទេសកម្ពុជាកាលពីម្សិលមិញ។ នៅចំពោះមុខសម្តេចតេជោ លោក លាវ ឈីថាវ មានប្រសាសន៍ថា ក្នុងនាមជាភាគីប្រតិបត្តិ ក្រុមហ៊ុនលោកនឹងខិតខំប្រឹងប្រែងធ្វើយ៉ាងណា ស្ថាបនាផ្លូវល្បឿនលឿនភ្នំពេញ ខេត្តព្រះសីហនុ ឲ្យបានល្អនិងឲ្យក្លាយជាផ្លូវគំរូសម្រាប់ជាឧត្តមប្រយោជន៍របស់ប្រទេស និងប្រជាជនកម្ពុជា។

សម្តេចតេជោនាយករដ្ឋមន្រ្តីមានប្រសាសន៍ថា នេះជាផ្លូវមួយដែលមានសារៈសំខាន់ខ្លាំងណាស់សម្រាប់ កម្ពុជា ក្នុងជំរុញកំណើនសេដ្ឋកិច្ច ពិសេសរវាងប៉ូលសេដ្ឋកិច្ចភ្នំពេញ ព្រះសីហនុ ក្នុងន័យនេះសម្តេចបានស្នើឲ្យ ក្រុមហ៊ុនជំរុញធ្វើយ៉ាងណាស្ថាបនាឲ្យបានចេញជារូបរាងពិតប្រាកដ៕


ព័ត៌មានតាមប្រតិទិន្ន


អត្ថបទប្រហាក់ប្រហែល

ទុនវិនិយោគកូរ៉េខាងត្បូងមកកាន់កម្ពុជាកើនដល់ជាង ៤៥០០លានដុល្លារអាម៉េរិក

កសិករចំនួន១២ខេត្តទទួលគម្រោងលើកកម្ពស់ទីផ្សារកសិកម្មខ្នាតតូច

សម្ដេចតេជោ ហ៊ុន សែនដាក់បទបញ្ជាឱ្យបញ្ឈប់ការប្រើប្រាស់រថយន្ត កែច្នៃខុសបច្ចេកទេសតទ្រុងនិងដឹកលើសទម្ងន់

សម្ដេតេជោថ្លែងថាតម្រូវការស៊ីម៉ង់ត៍របស់ប្រជាពលរដ្ឋមាន ការកើនឡើងជាលំដាប់

សម្ដេចតេជោប្រាប់កម្មករកម្មការិនីត្រូវធានាធ្វើយ៉ាងណាឱ្យរោងចក្រ ក្លាយជាសហគមន៍មួយដែលមានសុវត្ថិភាព


អត្ថបទពេញនិយម

ប្រទេសកម្ពុជានាំចូលអង្ករពីប្រទេសវៀតណាមលើសការនាំចេញរបស់ខ្លួន

កាល់ស្យូមត្រូវបានរកឃើញថាជាផ្នែកសំខាន់នៃការលូតលាស់របស់ឆ្អឹង

ក្រុមហ៊ុនអចលនទ្រព្យមួយមានបំណងសង់ទីក្រុងទំនើបនៅកម្ពុជា ដែលអាចទទួលមនុស្សរស់នៅ២លាននាក់

បាត់លុយជាង២០ម៉ឺនដុល្លារមន្រ្តីបានត្រឹមផ្លាស់ប្តូរតំណែងដោយគ្មានទោសពៃរ៍

ទទួលទានទំពាំងបាយជូរផ្តល់នូវគុណប្រយោជន៍ខ្ពស់ដល់សុខភាពបេះដូង


កីឡា

សម្តេចតេជោនាយករដ្ឋមន្ត្រីអញ្ជើញប្រគល់ពានរង្វាន់កីឡាវាយ កូនហ្គោលពានរង្វាន់ «សម្តេចតេជោ ហ៊ុន សែន» លើកទី២

សម្ដេចតេជោអបអរសាទរក្រុមកីឡាកាយវប្បកម្មកម្ពុជាដែលបានទទួល មេដាយពីការប្រកួតជើងឯកពិភពលោកលើកទី៩

កម្ពុជាប្រមូលបានមេដាយចំនួន១៧ពីព្រឹត្តិការណ៍កីឡាអាស៊ីអាគ្នេយ៍

ស៊ន សៀវម៉ី រកបានមេដាយមាស១គ្រឿងទៀត ពីកីឡាស៊ីហ្គេម

ប៉េតង់កម្ពុជាដណ្តើមបានមេដាយមាស១គ្រឿង ពីកីឡាស៊ីហ្គេម


បទអត្ថាធិប្បាយ

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (បញ្ចប់)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)

មីយ៉ាន់ម៉ា: តើជនជាតិរ៉ូហ៊ីងយ៉ាជានរណា? (ត)




ចំនួនអ្នកចូលទស្សនា

ថ្ងៃនេះ : 1926
សប្ដាហ៍នេះ : 4588
ខែនេះ : 38205
សរុប : 17831827